Andreas Anderssen Borge
Andreas Anderssen Borge (22. september 1825–23. juni 1910) var ein norsk gardbrukar, ordførar og stortingsmann frå Råde i Østfold.
| Andreas Anderssen Borge | |
| Statsborgarskap | Noreg |
| Fødd | 22. september 1825 Råde kommune |
| Død |
23. juni 1910 (84 år) |
| Yrke | bonde, politikar |
| Språk | norsk |
Borge var son til ein gardbrukar, og overtok farsgarden i 1845. Han var medlem av heradsstyret 1851-1900, i perioden 1853-89 sat han i formannskapet. Ordførar var han i fleire periodar; 1860-61, 1864-66, 1870-73 og 1878-89. Elles var han forlikskommissær frå 1858 til 1903, sparebankdirektør og medlem i Rakkestad fogderikommisjon.
Han var 1. representant for Smaalenenes amt på Stortinget 1880-82 og omframstortinget 1882. På tinget var han medlem av næringskomite nr 2.
Borge døydde på garden sin i Råde i 1910.
Kjelder
endre- Lindstøl, Tallak (1914). Stortinget og statsraadet: 1814-1914. De enkelte storting og statsraader 1814-1885. D. 1 : Biografier A-K. Kristiania: Steen'ske bogtrykkeri. s. 116.
- Biografisk informasjon om Andreas Anderssen Borge NSD Norsk senter for forskningsdatas politikararkiv