Andrej Khomutov
Andrej Valentinovitsj Khomutov (fødd 21. april 1961) er ein tidlegare sovjet-russisk ishockeyspelar frå Jaroslavl. Han vann i tida 1981-93 sju VM-gull og tre OL-gull for Sovjetunionen og sidan Russland.
| Andrej Khomutov | |
| Statsborgarskap | Russland, Sovjetunionen |
| Fødd | 21. april 1961 (63 år) Jaroslavl |
| Idrett | ishockey |
| Tok del i | |
| Utmerkingar |
Æresordenen, Ærestegnets orden, Medaljen for utmerket arbeid, «Arbeidets helt«-medaljen, Idrettens mester i Sovjetunionen |
Khomutov var frå vinteren 1980 høgreveng på CSKA Moskva, det suverene topplaget i sovjetisk ishockey. Etter ti suksessrike år i CSKA flytta han i 1990 til Sveits og var aktiv på Fribourg-Gottéron til han la opp i 1998.
Åra 1981-84 vann Khomutov med Sovjetunionen sitt landslag tre strake VM-titlar og den olympiske ishockey-turneringa i Sarajevo. Etter bronseplass i VM 1985, var Khomutov og lagkameratane tilbake på gullplassen året etter. I 1987 tapte Sovjetunionen den avgjerande VM-kampen mot Sverige. Under Vinter-OL 1998 vart det atter OL-gull til Sovjetunionen og Khomutov, deretter vart han verdsmeister i 1989 og 1990. Frå vinterleikane 1992 i Albertville reiste Khomutov med sin tredje olympiske gullmedalje. Året etter henta han sitt sjuande VM-gull, då saman med eit heilrussisk mannskap. I sitt siste ishockey-VM enda Khomutov i 1995 for fyrste gong opp utan medalje.
Kjelder endre
- Denne artikkelen bygger på «Andrei Walentinowitsch Chomutow» frå Wikipedia på engelsk, den 7. april 2020.