Angelina Jolie

Angelina Jolie (fødd 4. juni 1975) er ein USA-amerikansk skodespelar. Ho har fleire gonger blitt kåra til den høgast betalte skodespelarinna i Hollywood.

Angelina Jolie
Statsborgarskap	USA, Kambodsja
Fødd	4. juni 1975 (48 år) Los Angeles
Yrke	filmskodespelar, filmregissør, filmprodusent, modell, stemmeskodespelar, manusforfattar, dagbokskrivar, karakterskodespelar, fjernsynsskodespelar, skodespelar, produsent, filmskaper, nødhjelpsarbeider, ansvarlig produsent, skribent, velgjerar, fotomodell, filmmanuskriptforfatter
Språk	engelsk, angloamerikansk, Khmer
Høgd	169 centimeter
Medlem av	Clinton Foundation, U.S. Committee for Refugees and Immigrants, Council on Foreign Relations
Religion	ikke-praktiserende katolikk
Far	Jon Voight
Mor	Marcheline Bertrand
Ektefelle	Jonny Lee Miller, Billy Bob Thornton, Brad Pitt
Partnar	Jenny Shimizu, Brad Pitt
Angelina Jolie på Commons

Angelina Jolie i Moskva i 2010 på premieren til Salt.

Biografi

Angelina Jolie tilbrakte oppveksten i Los Angeles, bortsett frå fem år då familien hennar budde i New York. Jolie kjem frå ein skodespelarfamilie. Både faren, Jon Voight, mora og broren er meir eller mindre kjende skodespelarar. Angelina Jolie spelte si fyrste filmrolle som sjuåring i Lookin' To Get Out (1982) som Jon Voight hadde produsert. Neste film ho spelte i var Cyborg 2 i 1993, og den fyrste Hollywood-filmen ho spelte i var Hackers frå 1995. Herifrå gjekk det oppover med karrieren hennar. I 1997 vann ho sin fyrste Golden Globe-pris for rolla si i filmen George Wallace, og i 1999 fekk ho sin fyrste og så langt, einaste Oscar; for rolla si i Girl, Interrupted. I 2000 spelte ho i Gone in Sixty Seconds saman med Nicolas Cage.

I 2001 spelte Jolie hovudrolla i action-filmen Lara Croft: Tomb Raider som var basert på dataspelet Tomb Raider, som vart svært populær internasjonalt. Oppfylgjaren kom allereie i 2003. I 2004 spelte ho inn ei av stemmene i animasjonsfilmen Stor ståhai, noko ho har halde fram med i filmane om Kung Fu Panda. I 2005 spelte ho saman med Brad Pitt i actionfilmen Mr. & Mrs. Smith. Dei siste åra har ho m.a. spelt i Changeling (2008) og Salt (2010).

Angelina Jolie har tidlegare vore gift med skodespelarane Jonny Lee Miller og Billy Bob Thornton, men er no sambuar med Brad Pitt som ho har tre biologiske og 3 adopterte born saman med.

Filmografi (utval)

• Lookin' To Get Out (1982)
• Cyborg 2 (1993)
• Hackers (1995)
• Gia (1998)
• Hell's Kitchen (1998)
• Playing by Heart (1998)
• Pushing Tin (1999)
• The Bone Collector (1999)
• Girl, Interrupted (1999)
• Gone in Sixty Seconds (2000)
• Lara Croft: Tomb Raider (2001)
• Beyond Borders (2003)
• Taking Lives (2004)
• Stor ståhai (2004)
• Lara Croft Tomb Raider: The Cradle of Life (2003)
• Mr. & Mrs. Smith (2005)
• Beowulf (2007)
• Kung Fu Panda (2008)
• Changeling (2008)
• Wanted (2008)
• Salt (2010)
• The Tourist (2010)
• Kung Fu Panda 2 (2011)
• Maleficent (2013)

Kjelder

• Denne artikkelen byggjer på «Angelina Jolie» frå Wikipedia på engelsk, den 2. mars 2012.

• Filmografien er henta frå Imdb.com, 2. mars 2012