Anna Karina Stang
Anna Karina Stang (31. mai 1899–2. august 1996) var ein norsk folkesongar frå Stongfjorden i Askvoll kommune.
| Anna Karina Stang | |
 | |
| Fødd | 31. mai 1899 |
| Død | |
| Yrke | lyrikar, skribent |
Bakgrunn endre
Anna Karina Stang voks opp i Stubseid i Stongfjorden i Askvoll i 1899. Ho var yngste dotter til Matias Kornelius Stubseid (1864-1934) og Rakel Amalie Johannesdatter Stubseid (f. Lien). Anna hadde fire eldre systre.
Folkesongar endre
Anna Karina Stang var ein viktig representant for songtradisjonen i Ytre Sunnfjord, og ho hadde eit allsidig repertoar som femnde om både slåttestev, religiøse folketonar og gjetarviser. Stang hadde songtradisjon frå bestefar sin, Kristian Bendiksson Stubseid (1831-1908), og ho førte tradisjonen vidare ved å synge for sine born. Saman med ektemannen Anton Sigvald Peterson Stang hadde ho fem born: Jørgen, Per Ove, Ragnhild, Malmfrid og Mathias.
Stang budde i Stubseid i Stongfjorden, der ho var husmor og bondekone. I tillegg til å vere folkesongar, las ho mykje offentleg. Ho skreiv prologar til høgtidar og festar i bygda, songar til bryllaup, og dikt om det nære i gardslivet. På 1970-talet gjorde slektningen og spelemannen Gunnar Stubseid lydopptak av Anna Karina Stang. Innsamlinga vart gjort til Arne Bjørndals Samling i Bergen. Mange av desse songane vart seinare gjeve ut i boka "Tippe, tippe, tue".
Bibliografi endre
Bøker endre
- 1980 – Tippe, tippe tue : viser, aukerim og sullar etter Anna Stang (Oslo: Norsk folkeminnelag). ISBN 82-03-10186-0 I fulltekst ved nb.no [Nedskrivne av Gunnar Stubseid. Norsk folkeminnelag. Skrifter ; 121]