Anne Hilarion de Costentin de Tourville

(Omdirigert frå Anne Hilarion de Tourville)

Anne Hilarion de Costentin, comte de Tourville (fødd 1642 i Paris, død 23. mai 1701) var kommandant i den franske marinen og tente under kong Ludvig XIV. Han vart marskalk av Frankrike i 1693.

Anne Hilarion de Costentin de Tourville

Statsborgarskap Frankrike
Fødd 24. november 1642
Paris
Død

23. mai 1701 (58 år)
Paris

Yrke militær, militær befalingshavende, admiral
Språk fransk
Far César de Costentin de Tourville, César de Côtentin, Seigneur de Tourville, Fiennes
Mor Lucie de La Rochefoucauld
Anne Hilarion de Costentin de Tourville på Commons

17 år gammal som riddar i Maltesarordenen, kjempa han det første sjøslaget sitt på ein fregatt for ordenen. 25 år gammal gjekk han inn i den franske marinen og deltok mellom anna i slaget ved Agosta i 1673 under den fransk-nederlandske krigen.

Han tente under Abraham Duquesne under felttoga i 1676, og vart kommandant i 1690 under niårskrigen. Han sette flagget sitt på «Soleil-Royal», der det vart verande fram til slaget ved La Hougue i 1692. I slaget ved Beachy Head (Victoire de Béveziers) i 1690, slo han ein engelsk-nederlandsk flåte og kapra eller søkkte 15 fiendtlege skip.

Den 29. mai 1692 påførte han den engelske og nederlandske flåten på 97 skip store tap i Barfleur med berre 45 skip, men vart tvungen til å trekkje seg attende. Han leid sjølv store tap etter slaget då brannskip gjekk til åtak på franske linjeskip som låg til kai for reparasjonar i Cherbourg.

Den 27. juni 1693, slo han ein konvoi på 59 engelske skip kommandert av George Rooke ved Kapp St. Vincent nær Lagosbukta i Portugal, under slaget ved Kapp St. Vincent.

Tourville pensjonerte seg etter freden i Ryswick og døydde i Paris den 23. mai 1701, rekna som ein nasjonalhelt.

Fleire franske marinefartøy frå 1700-talet og gjennom 1900-talet er kalla opp etter Tourville.

Bakgrunnsstoff endre

  Commons har multimedium som gjeld: Anne Hilarion de Costentin de Tourville