Annette Sikveland

Annette Sikveland (fødd 25. april 1972) er ein norsk tidlegare skiskyttar frå Sandnes som var med på dei norske laga som vann gullmedaljar i lagtevlinga både under VM i skiskyting 1995 og i 1997. Ho var medlem av Figgjo Idrettslag før ho melde seg inn i Vestre Trysil IL.

Annette Sikveland
Statsborgarskap	Noreg
Fødd	25. april 1972 (51 år) Stavanger kommune
Idrett	skiskyting
Tok del i	Vinter-OL 1994, biathlon at the 1998 Winter Olympics – women's relay

Sikveland var ei av dei fire kvinnene som vart verdsmeistrar i lagtevlinga då VM i skiskyting 1995 fann stad i Antholz, der ho også gjekk tredje etappe for Noregs bronsekvinner i 4 x 7,5 km stafett. Dei andre på stafettlaget var Ann Elen Skjelbreid, Hildegunn Fossen og ankerkvinna Gunn Margit Andreassen. I 1997 vann Sikveland eit nytt VM-gull i lagtevlinga over 7,5 km under VM i skiskyting 1997 i Osbrlie i Slovakia. Her fekk ho også eit stafettsølv, einast Tyskland var sterkare enn dei fire norske kvinnene som var saman om både laggullet og stafettsølvet; systrene Ann Elen og Liv Grete Skjelbreid, Gunn Margit Andreassen og Sikveland. I same meisterskapen enda Sikveland på sjuandeplass i 7,5 km sprint, hennar beste individulle plassering i ein stor meisterskap. Under dei olympiske leikane i Nagano i 1998 tok Sikveland si tredje stafettmedalje, ein bronse, i lag med dei same tre som ordna VM-medaljar året i førevegen.

Sikveland stod fire gongar på sigerspallen etter individuelle renn i verdscupen i skiskyting, tre av dei i 1997-sesongen, og ein fjerde gong i 1998. Sin einaste triumf opplevde ho i Ruhpolding 19. januar 1997, etter 20 treff vann ho ein klar siger på 15 km. Ho vart nummer sju i verdscupen i skiskyting 1997.

Sikveland slutta som skiskyttar etter 1999-sesongen, plaga av ein kneskade.

Kjelder

• Denne artikkelen bygger på «Annette Sikveland» frå Wikipedia på tysk, den 19. januar 2016.

Bakgrunnsstoff

• «Annette Sikveland». olympedia.org. Henta 15. november 2022.