Arasvika

Arasvika eller Arasvik (uttale ["ɑɾɑsˌʋi:cça] (nom./akk.), ["ɑɾɑsˌʋi:cçen] (dat.)), òg skrive Aresvik (det siste særleg som slektsnamn), er ein gamal gard på sørsida av Ertvågsøya. Det eldste kjende namnet på garden er Oraldsvik, eit namn som kjem fram av eit gamalt diplom frå 1342. Det er og ei lita bygd og ein ferjestad ved Arasvikfjorden, i Aure kommune i Møre og Romsdal.

Aresvik fegekai sett frå Aresvikvegen. Det gule huset rett attom kaia var kombinert tønnefabrikk, butikk og bustad. Den grå bygningen ved sjøen er ei nedlagt mylne.

Arasvik ferjekai, med Vågosen i bakgrunnen. Sjølve Arasvika ligg utom venstre kanten av bildet. Her er den gule kombinerte tønnefabrikk, butikk og bustad, godt synleg.

Frå Arasvika går det ferje over til Hennset i Heim kommune kommune. Ferjestrekningen er del av riksveg 682.

Folk frå Arasvika

• Holger Aresvik (1883–1938) var ein god felespelemann som utmerkte seg med mykje lydarslåttspel og posisjonsspel.
• Oddvar Aresvik (1915–1996) var professor i landbruksøkonomi ved Norges Landbrukshøgskole på Ås.