Arne Korsbrekke
Arne Olai Martinusson Korsbrekke, (15. desember 1877–1965) var ein vegingeniør og vegdirektør i Noreg 1945-48.
| Arne Korsbrekke | |
 | |
| Statsborgarskap | Noreg |
| Fødd | 15. desember 1877 Hellesylt |
| Død | |
| Yrke | ingeniør, politikar, offentleg tenestemann |
| Politisk parti | Høgre |
| Arne Korsbrekke på Commons | |
Korsbrekke var frå Hellesylt i Sunnylven på Sunnmøre, der faren var landhandlar. Han studerte ved Trondhjems tekniske Læreanstalt, det seinare NTH, og tok eksamen der i 1901. Korsbrekke vart omgåande tilsett i vegvesenet, og hadde i åra fram til 1904 oppdrag i fylka Troms, Oppland, Vestfold, Østfold, Sør-Trøndelag. I 1904 fekk han fast stilling i Sør-Trøndelag. Her vart verande i seksten år, berre avbrote av eit år på teknisk høgskule i Dresden i Tyskland.
I 1920 var han nokre månader mellombels overingeniør i Sør-Trøndelag, før han same året vart overingeniør i Nord-Trøndelag fylke. Denne stillinga hadde han til han i 1934 fekk tilsvarande stilling i Akershus.
Etter frigjeringa i 1945 vart han utnemnd til leiar for vegdirektoratet. Han sat som vegdirektør i vel tre år.
Kjelder
endre- Lillebø, P. A.:Sunnylven og Geiranger. Fyrste bandet, 1949