Asbjørn Lindboe
Asbjørn Lindboe (19. juni 1889–8. mars 1967) var ein norsk jurist og embetsmann frå Trondheim. Han var justisminister 1931-33 og fylkesmann i Nord-Trøndelag. Jacob Lindboe var far hans.
| Asbjørn Lindboe | |||
 | |||
| Fødd | 19. juni 1889 Trondheim | ||
|---|---|---|---|
| Død | 8. mars 1967 (77 år) | ||
| Statsborgar av | Noreg | ||
| Parti | Senterpartiet, Frisindede Venstre | ||
| Yrke | politikar, advokat | ||
| Far | Jacob Lindboe | ||
| Alle verv |
| ||
Liv og gjerning endre
Lindboe vart cand.jur. i 1914 og var sorenskrivarfullmektig i Nordfjord 1914–15, fullmektig hos byfuten i Trondheim 1915–19 og overrettsakførar same stad 1919–31, som høgsterettsadvokat frå 1925.
Valperioden 1923-25 representerte han Frisinnede Venstre i bystyret i Trondheim. Han var medlem i landsstyret i Bondepartiet frå 1938 og medlem av styret i Norges Grønlandslag frå det vart skipa i 1931.
Frå 1931 til -33 var han justisminister i bondeparti-regjeringane leia av Peder Kolstad og deretter Jens Hundseid. Frå 1933 var han sorenskrivar i Inderøy, ei stilling han hadde fram til han vart avsett av okkupasjonsstyresmaktene i 1943. I november 1945 vart han utnemnd til fylkesmann i Nord-Trøndelag, eit embete han hadde frå 1946 til han gjekk av for aldersgrensa i 1959. Han flytta då til Bærum, der han døydde.
Lindboe gav i 1944 ut boka Privat rettergang.
Kjelder endre
- Norsk Allkunnebok. VIII. bandet. 1957