Asker prestegard
Asker prestegard (Røren, tidl. Røyrvin) ligg like nordaust for for Asker kyrkjegard. Adressen er Kirkeveien 125, og prestegarden er gard nr. 1 i Asker.[1]
| Asker prestegard | |||
 | |||
 Asker prestegard 59°50′42″N 10°26′19″E / 59.8450554969°N 10.4385686096°E | |||
|---|---|---|---|
Det har vore gård på staden sidan førkristen tid, og det er eller har vore fleire gravhaugar på garden sin grunn. Garden var busatt av prestar allereie i mellomalderen. Fem bygningar er freda: våningshus, drengstove (seinare forpaktarbustad), stabbur, driftsbygning og lysthus.[2] Våningshuset vart truleg oppført under sogneprest Jacob Neumann i 1805–07. Det er eit laftebygg i to etasjar med ståande panel utvendig. Neumann fikk òg anlagt hage med lysthus, og han stifta i 1808 Selskapet for Asker prestegjelds vel for å fremje jordbruk, hagebruk og husflid i ei vanskeleg tid prega av Napoleonskrigane. Forpaktarbustaden vart oppført på 1800-talet. Prestegarden vart sett i stand i 1954, 1980 og 1995.
Asker kyrkje er prostikyrkje. Prestegarden har på 2000-tallet vore bustad for prosten, men då buplikta vart avvikla i 2015, valde prosten, Berit Øksnes Gjerløw, å flytte ut av prestegarden, mellom anna på grunn av høg fordelsskattlegging.[3][4]
Asker husflidslag,[5] som er ei av fleire foreiningar som har vidareført verksemda i Asker prestegjelds vel,[6] leiger i dag forpaktarbustaden.[7]
Kjelder
endre- ↑ Miljødirektoratet: Naturbase
- ↑ Opplysningsvesenets fond. Framstilling er er basert på deira oppslag.
- ↑ Aftenposten 18. november 2015
- ↑ Asker og Bærums budstikke, 3. november 2015
- ↑ Lokalhistoriewiki
- ↑ Asker husflidslag: Historie, arkivert frå originalen 3. september 2016, henta 11. september 2016
- ↑ Til kursverksemd Arkivert 2016-09-03 ved Wayback Machine.
- Asker prestebolig Arkivert 2018-09-04 ved Wayback Machine. hos Opplysningsvesenets fond
- Asker prestegård i Lokalhistoriewiki
Bakgrunnsstoff
endre- Asker prestegard i kulturminnesok.no, nettstaden til Riksantikvaren