Aslak Kateraas
Aslak Toresson Kateraas (fødd 11. februar 1869) var ein norsk gardbrukar og politikar frå Åmli. Han representerte Venstre på Stortinget i åra 1916-18.
| Aslak Kateraas | |
 | |
| Statsborgarskap | Noreg |
| Fødd | 11. februar 1869 |
| Død |
20. august 1951 (82 år) |
| Yrke | bonde |
| Aslak Kateraas på Commons | |
Kateraas var son til ein gardbrukar. Sjølv gjekk han eit kurs på amtsskulen og sidan hagebruksskulen i Fjære. Eit par år arbeidde han som gartnar i heimbygda, før han overtok farsgarden i 1890. I 1902 kjøpte han Nergarden i Åmli, og busette seg der.
Han var medlem i heradsstyret i Åmli frå 1901, ordførar 1902-10 og 1920-25, samt skulestyreformann. Dessutan var han styremedlem 1903-08 i Arendals fællesfløtningslag, og medlem av tilsynsnemnda for Arendal-Åmli-bana. Lokalt var han med i styret for den lokale sparebanken, og i tida 1926-42 styrar av Noregs Bank si avdeling i Arendal.
Valperioden 1906-12 var Kateraas varamann til Stortinget frå Nedenes krins. Åra 1916-18 var han same einmannskrinsen sin stortingsmann, med plass i Kyrkjekomiteen.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Stortingsbiografi Arkivert 2015-08-01 ved Wayback Machine.