Aslak Reiersson Midhassel

Aslak Reiersson Midhassel (17. juli 1798–15. januar 1882) var ein norsk skipper, gardbrukar og stortingsmann frå Vanse i Vest-Agder.

Aslak Reiersson Midhassel
Fødd	17. juli 1798 Vanse
Død	15. januar 1882 (83 år)
Statsborgar av	Noreg
Yrke	politikar, bonde
Alle verv	stortingsrepresentant (1842–1844) vararepresentant til Stortinget (1845–1847) vararepresentant til Stortinget (1851–1853) vararepresentant til Stortinget (1854–1856) vararepresentant til Stortinget (1857–1858) vararepresentant til Stortinget (1859–1861)

Midhassel reiste til sjøs i yngre år, tok seinare styrmannseksamen. I si tid tok han over farsgarden Midhassel og dreiv han til høg alder. Han var medlem av heradsstyret i Vanse og var ordførar i fleire år. Også forlikskommissær samt fleire andre verv.

Midhassel var 1. representant frå Lister og Mandals amt på Stortinget 1842. Han var medlem av kriminallovkomiteen. På fem av valtinga til stortinget, mellom 1844 og 1859, hamna han på ulike varamannsplassar.

Han døydde på garden sin i 1882.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Aslak Reiersson Midhassel NSD Norsk senter for forskningsdatas politikararkiv