Assosiativitet

Assosiativitet eller den assosiative lova er eit omgrep i matematikk som seier at addisjon og multiplikasjon er assosiative operasjonar.

For addisjon seier den assosiative lova at når tre tal, a, b og c vert adderte, så får ein same resultat anten ein adderer summen av dei to første tala til det tredje, eller det første til summen av dei to siste:

$\ (a+b)+c=a+(b+c)$

For multiplikasjon gjeld den assosiative lova på same måte:

$\ (a\cdot b)\cdot c=a\cdot (b\cdot c)$

Assosiativitet kan definerast på tilsvarande måte for fleire andre operasjonar, òg der ein ikkje har å gjere med tal, men til dømes vektorar, polynom og funksjonar.

Kjelder

• assosiative lov. (2011-11-01) I Store norske leksikon. Henta frå http://snl.no/assosiative_lov