Atle Grønn

Atle Grønn (fødd 7. august 1971) er ein norsk sjakkspelar. Han blei utnemnd til Internasjonal meister i sjakk (IM) i 2008.

Atle Grønn

Atle Grønn NM Hamar 2007 nr 3.jpg

Statsborgarskap Noreg
Fødd 7. august 1971 (50 år)
Idrett sjakk
Tok del i

Sjakk-OL 1992, Sjakk-OL 1990

Atle Grønn har lenge vore over rating-kravet på 2400, og har også hatt tre innteikningar i IM-tittelen ei stund. To av desse turneringane var over 9 rundar, men den tredje var ei lagturnering over 7 rundar. Dermed hadde han IM-resultat på samla 25 parti, medan kravet er 27 parti. Men den 30. mars 2008 klarte han eit 4. IM-resultat, ved å ta 5,5 poeng på 9 rundar i den norske Ishavsserien i sjakk 2007-2008 (eliteserien for klubblag). Atle Grønn vart deretter utnemnd til Internasjonal Meister i sjakk av Verdssjakkforbundet FIDE.

Atle Grønn vart junior-noregsmeister i sjakk i 1987.[1] Han er medlem i Oslo Schakselskap.

Atle Grønn har vore redaktør av Norsk Sjakkblad. Han er kjend som kommentator i NRK sine sjakksendingar. Sidan 2017 har han skrive sjakkspalta i Aftenposten. I det daglege arbeider han som professor i russisk ved Universitet i Oslo.

KjelderEndra

  • Norsk Sjakkblad
  • Øystein Brekke: Norske sjakktrekk. Norges Sjakkforbund 100 år 1914-2014, Norges Sjakkforbund 2014, ISBN 978-82-991916-2-3

FotnotarEndra

  1. Brekke 2014 s. 299

BakgrunnsstoffEndra