Atle Sponberg
Atle Sponberg (fødd 17. oktober 1964) er ein norsk fiolinist og orkesterleiar frå Gjøvik. Han er kunstnarisk leiar for orkesteret Gjøvik Sinfonietta og konsertmeister i Kringkastingsorkesteret. Han spelar på ein fiolin som vart laga av Giovanni Battista Guadagnini i Milano i 1752.[1]
| Atle Sponberg | |||
| Fødd | 17. oktober 1964 (60 år) | ||
|---|---|---|---|
| Opphav | Noreg | ||
| Instrument | fiolin | ||
| Verka som | musikar | ||
| Prisar | Spellemannprisen i klassisk musikk | ||
Atle Sponberg spelar ofte fiolinmusikk av dei største klassiske komponistane, Bach, Mozart, Beethoven og Brahms med fleire.[2] Han vert mykje brukt som solofiolinist, og har vore solist med dei største norske orkestra. Han har turnert både i Europa, USA og i Australia. Sponberg er lidenskapeleg oppteken av å spela argentinsk tango, gjerne komponert av Astor Piazzolla. Hausten 2013 heldt han tangokonsert med TrondheimSolistene, Per Arne Glorvigen, Steinar Haugerud og Sverre Indris Joner, der dei framførte verk av Piazzolla og Carlos Gardel.[3] Han har også fleire plateutgjevingar bak seg.
Hausten 2012 ytra Atle Sponberg med fleire ønskje om å etablera eit Orkester Innlandet med sentrum i Gjøvik for å gjera byen til eit musikksentrum i området. Målet var å koma inn på statsbudsjettet med orkesteret.[4] Året etter fekk Gjøvik Sinfonietta utvida mannskap slik at Innlandet Filharmoniske Orkester vart skipa. Gjøvik Sinfonietta skifta samtidig namn til Innlandet Sinfonietta.[5] Det nye orkesteret har som mål å dekkja heile Innlandet, både Hedmark og Oppland.[6]
Prisar og utmerkingar
endre- Gammleng-prisen 2006 i klassen for klassisk/ kunstmusikk.
- KORK-prisen 2006 [7]
Kjelder
endre- Bokmålswikipedia om Atle Sponberg, henta inn 27. november 2013
- Fotnotar
- ↑ Biografi på Atle Sponberg si offisielle nettside, arkivert frå originalen 3. desember 2013, henta 27. november 2013
- ↑ Atle Sponberg si offisielle nettside: Repertoar. Henta inn 27. november 2013, arkivert frå originalen 2. desember 2013, henta 27. november 2013
- ↑ Trondheimsolistene.no, 23.09.13: Kamfest aperitif: Tango! med Atle Sponberg, arkivert frå originalen 2. desember 2013, henta 27. november 2013
- ↑ NRK Hedmark og Oppland, 24.09.12: Vil etablere Orkester Innlandet
- ↑ Oppland Arbeiderblad, 15.06.13: Hør de første tonene fra Innlandet Filharmoniske Orkester
- ↑ Innlandet Filharmoniske Orkester: Om oss. Henta inn 27. november 2013, arkivert frå originalen 3. desember 2013, henta 27. november 2013
- ↑ NRK Kringkastingsorkesteret, 18.10.07: KORK deler ut pris