Aurland ferjekai
Må ikkje forvekslast med Aurland kai, den gamle dampskipskaia på Aurlandsvangen som framleis er brukt som stoppestad for båtruter, sjå Skyss.
| Aurland ferjekai | |||
| Kategori | Ferjekai | ||
|---|---|---|---|
| Underkategori | Enkel kai | ||
| Opna | 1967 | ||
| Som del av | Flåm-Aurland-Kaupanger-Årdalstangen | ||
| Tilknytt | Gamle Riksveg 601, gamle Riksveg 50, gamle Fylkesveg 243 i Sogn og Fjordane | ||
| Stad | Aurlandsvangen | ||
| Kommune | Aurland | ||
| Fylke | Vestland | ||
| Nedlagd | 2000 | ||
| Erstatta av | Lærdalstunnelen | ||
 Aurland ferjekai 60°54′40″N 7°11′19″E / 60.911015436854°N 7.1884783956009°E | |||
Aurland ferjekai var eit ferjeanlegg på nordsida av Aurlandsvangen i Aurland kommune som opna i 1967 med eit bilførande ferjesamband ut av bygda då fjellvegen (noverande Fylkesveg 5627) opna mellom Aurlandsvangen og Lærdal. Då fekk ein sambandet Flåm-Aurland-Kaupanger-Årdalstangen, og året etterpå kom Gudvangen-Aurland-Flåm. Sistnemnde samband vart erstatta av Gudvangatunnelen i 1991, medan det attverande ferjesambandet berre gjekk til Kaupanger etter 1993 og vart nedlagd med opninga av Lærdalstunnelen i 2000.
Med dette vart ferjekaia nedlagd og det er lite å sjå att av anlegget i dag. Frå 2003 vart vegarmen til gamle Fylkesveg 243 i Sogn og Fjordane mellom Aurlandsvangen og ferjekaia ein del av Fylkesveg 5625 til Skjerdal. Vegen fekk ein ny vestlegare trasé over det som var oppstillingsplassen til kaia, og den gamle vegtraséen er i dag delvis parkeringsplass og delvis nedbygd i samband med bygginga av Aurland helsetun. Det einaste som står att er utstikkarbryggja som framleis er i bruk, med ny tilkomstveg over anlegget det ferjelemmen var.
Kjelder
endre- Finn Borgen Førsund (1998). Dampen og kaia : stoppestader for Fylkesbaatane i Sogn og Fjordane 1858-1998. Førde: Selja forlag. s. 142. ISBN 82-91722-04-8.
- Magnus Helge Torvanger (2008). Frå dampskip til gassferjer : Fjord1 Fylkesbaatane 150 år : 1858-2008. Førde: Selja forlag. s. 75, 76. ISBN 978-82-91722-93-1.
Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.
