Dei austlege Alpane

Dei austlege Alpane er den austlege halvdelen av Alpane og vanlegvis vert grensa rekna for gå aust for Splügenpasset aust i Sveits. Nord for Splügenpasset dannar dei øvste delane av Rhinen grensa og sør for passet er det elva Liro og Comosjøen.

Dei austlege Alpane
Fjellkjede
Piz Bernina (i midten til venstre) med Biancograt til venstre, Piz Scerscen (i midten til høgre) og Piz Roseg (høgre), sett frå Piz Corvatsch Foto: Daniel Schwen
Land	Sveits, Austerrike Liechtenstein, Tyskland Italia, Slovenia
Del av	Alpane
Grensar til	Wienerwald
Høgaste punkt	Piz Bernina
•  høgd	4 049 moh.
- koordinatar	46°22′56.6″N 9°54′29.2″E
Dei austlege Alpane 47°N 12°E / 47; 12
Wikimedia Commons: Eastern Alps

Dei austlege Alpane inneheld delar av Sveits, det meste av Austerrike og Liechtenstein, i tillegg til sørlege delar av Tyskland, nordlege område i Italia og Slovenia. Den austlege grensa er Wienerwald og Wien-bekkenet, som er ei overgangssone til Karpatane.

Dei austlege Alpane vert vanlegvis igjen delt inn i fleire mindre område, som kvar er ein del av Dei nordlege kalksteinsalpane, Dei sentrale Alpane og Dei sørlege kalksteinsalpane.

Det høgaste fjellet i Dei austlege alpane er Piz Bernina (4 049 m) i Sveits. Bortsett frå andre toppar i Berninakjede er det nest høgaste fjellet Ortler (3 905 m) i Italia og Sør-Tyrol og så Großglockner (3 798 m) i Austerrike.

Under Weichsel-istida var Dei austlege Alpane tørrare enn Dei vestlege Alpane og det kontinuerlege isdekket enda ved Niedere Tauern i Austerrike. Dette gjorde at fleire artar klarte å overleve istida i Dei austlege Alpane, som ikkje overlevde andre stader. Dermed finn ein mange endemiske planter i Dei austlege Alpane.

Sjå òg

• Dei nordlege kalksteinsalpane
• Dei sentrale Alpane
• Dei sørlege kalksteinsalpane.

Kjelder

• Denne artikkelen bygger på «Eastern Alps» frå Wikipedia på engelsk, den 3. juni 2007.