Großglockner

Großglockner er eit 3 798 meter høgt fjell, det høgaste i Austerrike og det høgaste fjellet i Alpane aust for Brennerpasset. Fjellet har den nest høgaste primærfaktoren (høgda frå foten av sjøve fjellet til toppen) i Alpane etter Mont Blanc.

Großglockner
fjell
Grossglockner frå sørvest
Land	Austerrike
Region	Kärnten og Tirol
Fjellkjede	Hohe Tauern
Høgd	3 798 moh.
Primærfaktor	2 423 m
Koordinatar	47°04.492′N 12°41.715′E
Førstestiging	Franz-Xaver Salm-Raifferscheid
•  dato	1800
Großglockner 47.074528°N 12.69385°E / 47.074528; 12.69385
Kart som viser Großglockner. Kart som viser Großglockner.
Wikimedia Commons: Großglockner

Großglockner ligg på grensa mellom delstatane Kärnten og Tirol, og er den høgaste toppen i Glocknergruppa, ei gruppe fjell som dannar hovudryggen i fjellkjeda Hohe Tauern. Toppen sjølv ligg på Glocknerryggen, som strekkjer seg sørover frå hovudryggen. Pasterze, den største isbreen i Austerrike, ligg ved foten av Großglockner.

Den karakteristiske pyramide-forma består faktisk av to tindar, Großglockner og Kleinglockner (3 700 m) (klein = liten på tysk), og mellom dei ligg eit salforma områda kalla Glocknerscharte.

Første gong ein prøvde å nå toppen av Großglockner var i 1799, men det gjekk gale. Sommaren 1800 prøvde ein ny ekspedisjon, organisert av Franz-Xaver Salm-Raifferscheid, fyrstbiskopen av Gurk: 62 personar, deriblant 47 guidar, tok del. Den gamle hytta Salmhütte, ved 2 750 m vart bygd for spesielt som ly for ekspedisjonen. 28. juli 1800 tok brørna Martin og Sepp Klotz, i lag med to snikkarar og ein prest frå Dölsach kalla Horasch, seg til topps ved å gå vegen kalla Hohenwartscharte.

Det finst òg ei direkte klatrerute frå Pasterze-isbreen til Glocknerscharte gjennom Pallavicinidalen. Alfred Pallavicini var den første til å klatre denne ruta i 1876 med tre fjellførarar frå Heiligenblut.

Den naturskjønne hovudvegen Großglockner-Hochalpenstraße mellom Heiligenblut og Fusch vart bygd ferdig mellom 1930 og 1935, og nådde ei høgd på 2 572 m.

• 
  Frå sør
• 
  Pasterze med Großglockner på venstre sida

Bakgrunnsstoff

Wikimedia Commons har multimedia som gjeld: Großglockner

• Großglockner Hochalpenstraße
• Großglockner Arkivert 2008-06-04 ved Wayback Machine.
• Summitpost

Datagenerete virtuelle panoramabilete

• Nord
• Sør
• Indeks