Avivim
Avivim (אֲבִיבִים) er ein israelsk moshav heilt nord i Israel, i Øvre Galilea. Han ligg mindre enn ein kilometer frå den blå linja, grensa til Libanon, i det palestinske landområdet til den sjiaislamske landsbyen Saliha, som vart avfolka etter ein massakre utført av israelske forsvarsstyrkar.[2][3][4]
| Avivim | |||
| moshav | |||
 | |||
| Land |  Israel
| ||
|---|---|---|---|
| Distrikt | Øvre Galilea | ||
| Kommune | Merom HaGalil | ||
| Koordinatar | 33°5′21.2″N 35°28′19.43″E / 33.089222°N 35.4720639°E | ||
| Folketal | 481 (2012)[1] | ||
| Tilhøyrsle | Moshavrørsla | ||
 Avivim 33°05′21″N 35°28′19″E / 33.089222222222°N 35.472063888889°E | |||
  Kart som viser Avivim.
| |||
| Wikimedia Commons: Avivim | |||
Historie
endreI 1920 var Saliha erklært ein del av Libanon som ein del av ein fransk-britisk grenseavtale. Han var ein av 24 landsbyar som vart overført til britisk kontroll i 1924 etter at grensa vart teikna opp i 1923 mellom det britiske Palestinamandatet og Det franske mandatet for Syria og Libanon.[5] Han vart så ein del av Palestina.
I SN sin delingsplanen for Palestina frå 1947, var Saliha meint å vere ein del av ein føreslått arabisk stat, medan grensa mellom denne og den føreslått jødiske staten skulle gå nord for det oppbygde området til landsbyen. Under den israelsk-arabiske krigen i 1948 var Saliha åstad for ein massakre utført av dei israelske styrkane, kort tid før landsbyen vart heilt avfolka. Alle bygningane i landsbyen, med unntak av ein grunnskule for gutar, vart øydelagde. Dei israelske styrkane sprengde moskeen i landsbyen og drap 60-94 menneske som var inne i moskeen.[6]
Moshav Avivim vart grunnlagd i 1958, fråflytta, og så grunnlagd på ny i 1963 av immigrantar frå Nord-Afrika, hovudsakleg marokkanske jødar.
Midtaustenkonflikten
endreSidan moshaven ligg nær grensa til Libanon har han ofte vore eit terroråml, mellom anna skulebussmassakren i Avivim. Den 8. mai 1970 avfyrte terroristar frå den syriskstøtta organisasjonen Saeka to bazooka-granatar[7] mot skulebussen til landsbyen, og tok livet av ni barn og tre vaksne, medan 19 vart skadde.[8] I oktober 1970 avfyrte geriljasoldatar i Libanon bomber mot Avivim, og utløyste alarm langs den libanesiske grensa.[9]
Avivim leid òg under Libanonkrigen i 2006, og vart utsett for minst eit infiltreringsforsøk frå Hizbollah. Moshaven kom òg under eld frå Hizbollahstyrkar i den nærliggande landsbyen Maroun al-Ras, på andre sida av grensa i Libanon.[7]
Kjelder
endre- Denne artikkelen bygger på «Avivim» frå Wikipedia på engelsk, den 16. mars 2015.
- Wikipedia på engelsk oppgav desse kjeldene:
- ↑ «Locality File» (XLS). Israel Central Bureau of Statistics. 2012. Henta 30. oktober 2013.
- ↑ "The seven lost villages", Danny Rubenstein, Haaretz, 4 August 2006, at Independent Medi Review Analysis website. Original article at www.haaretz.com/hasen/spages/746274.html.
- ↑ Morris, Benny. (2004) The Birth of the Palestinian Refugee Problem Revisited. Cambridge University Press. ISBN 0-521-00967-7
- ↑ The Seven Villages, Origins and Implications (PDF), arkivert frå originalen (PDF) 8. januar 2014, henta 16. mars 2015
- ↑ Asher Kaufman. «Between Palestine and Libanon: Seven Shi'i Villages as a Case Study of Boundaries, Identities, and Conflict». Middle East Journal 60: 685–706.
- ↑ Benny Morris (2004). The Birth of the Palestinian Refugee Problem Revisited. Cambridge University Press. s. 481.
- ↑ 7,0 7,1 Moshav Avivim still stands determined during tensions
- ↑ Israeli-Palestinian Conflict: from Balfour Promise to Bush Declaration, Gabriel G. Tabarani
- ↑ Avivim Settlement under Mortar Fire From Terrorists in Lebanon