Avril Lavigne

Avril Ramona Lavigne (fødd 27. september 1984) er ei kanadisk songarinne og skodespelarinne. Ho har hatt hits med songane «Sk8er Boi», «Complicated» og «Nobody's Home».

Avril Lavigne
Fødd	27. september 1984 (38 år)
Fødestad	Belleville
Fødenamn	Avril Ramona Lavigne
Opphav	Canada, Frankrike
Aktiv	1999–
Sjanger	alternativ rock, pop-pønk, poprock, post-grunge, softrock
Instrument	gitar, vokal, piano, trommesett
Stemmetype	lys lyrisk sopran
Plateselskap	Arista Records, Epic Records, RCA Records, BMG Rights Management, Elektra Records, DTA Records
Verka som	songar og låtskrivar, songar, skodespelar, komponist, velgjerar, filmskodespelar, stemmeskodespelar, motedesigner, plateartist
Mor	Judith Rosanne Loshaw
Far	Jean-Claude Lavigne
Gift med	Deryck Whibley, Chad Kroeger
Sambuar med	Brody Jenner, Jesse Colburn, Mod Sun, Tyga
Prisar	Juno Fan Choice, Juno Fan Choice

Biografi

Avril Lavigne vart fødd i Belleville i Ontario, men voks opp i småbyen Napanee i same provinsen. Ho viste tidleg musikalsk talent, og gav ut debutplata si, Let Go i 2002, 17 år gamal. Singlane «Sk8er Boi» og «Complicated» vart store hits, og plata selde i svært mange eksemplar over heile verda. Dette resulterte i både den kanadiske Juno-prisen, Grammy-prisen frå USA med meir.

Oppfylgjarplata Under My Skin kom i 2004. Fleire singlar vart laga frå denne også, som «Don't Tell Me» og «Nobody's Home». Fram til i dag har Avril Lavigne gjeve ut fire studioalbum. Ho har hatt fleire skodespelarroller, m.a. ei stemme i animasjonsfilmen Over hekken. Ho var ei stund gift med Deryck Whibley, vokalisten i rockebandet Sum 41, men dei to er i dag skilde.

Diskografi

• Let Go (2002)
• Under My Skin (2004)
• The Best Damn Thing (2007)
• Goodbye Lullaby (2011)

Kjelder

• Denne artikkelen byggjer på «Avril Lavigne» frå Wikipedia på engelsk, den 8. februar 2012.