Barend Graat
Barend Graat (21. september 1628–4. november 1709)[1] var ein biletkunstnar under den nederlandske gullalderen. Han måla, teikna og trykka landskap, historiske bilde, altarbilde og portrett.
| Barend Graat | |
 Posthum gravering av Matthijs Pool etter eit sjølvportrett av Barend Graat. | |
| Statsborgarskap | Dei sameinte Nederlanda |
| Fødd | 21. september 1628 Amsterdam |
| Død |
4. november 1709 (81 år) |
| Yrke | kunstmålar, designar, biletkunstnar |
| Barend Graat på Commons | |
Liv
endre
Barend Graat blei døypt i Nieuwe Kerk i Amsterdam.[2] Ifølgje Arnold Houbraken lærte Graat å måla av onkelen sin, Hans eller Hand Bodt.[3]
I 1660 gifta han seg med ei ung enkje. Han hadde førebudd ei reise til Italia, men bestemte seg for å ikkje utføra henne. I 1664 kjøpte han ei tomt og bygde eit hus ved Leidsegracht.[4] I 1668 og 1670 hadde han to døtrer døypte i ei schuilkerk (løynd kyrkje).[5][6]
Graat hadde band til den katolske diktaren og dramatikaren Jan Vos.[7]
I 1672 var han ein av fleire målarar som studerte og autentiserte ei samling måleri seld av Gerrit Uylenburgh. I femten år dreiv han ein skule i huset sitt..[8]
Graat blei 81 år gammal. Nevøen hans Matthijs Pool gifta seg med ei av Graat sine døtrer i 1708. Han graverte teikningar som Graat hadde gjort av elfenbeinskulpturar utført av Francis de Bossuit, og gav desse ut i 1727.[1]
Virke
endreGraat signerte verka sine B. Graat fecit.[9] Han fekk opplæring i landskaps- og dyremåleri, men merka seg seinare ut med sjangermåleri, historiske måleri og portrett av familiane til rike handelsfolk frå Amsterdam.[3] Han reiste aldri til Italia, men blei likevel dyktig til å laga små italienske landskap og sjangermåleri i stilen til Pieter van Laer.[9]
Han var aktiv som dekorativ målar, og laga grisaille-måleri og stykke over kaminen for leiande familiar i Amsterdam. Mange av dei er bevarte til i dag.[1]
Amsterdams Historisch Museum har ein Allegori av omsorg måla av Graat i samlinga si, etter eit emblem av Cesare Ripa.[10]
Galleri
endre-
Familiegruppe i eit landskap, måla mellom 1650 og 1660 -
Een gezelschap in een tuin, 1661 -
Ryttarbilde, ukjend dato -
Pandora, 1676 -
Ungjente med kirsebær, 1681 -
Allegori av omsorg, 1685 -
Susanna i badet - gravering av Matthijs Pool etter ein teikning av Barend Graat etter ei utskjering av Francis van Bossuit
Kjelder
endre- ↑ 1,0 1,1 1,2 Barend Graat[daud lenkje] i RKD
- ↑ Amsterdam City Archive
- ↑ 3,0 3,1 Barend Graat (1628-1709): zijn leven en werk [Paperback], Oxbow Books
- ↑ Amsterdam City Archive[daud lenkje] (daud lenkje)
- ↑ Amsterdam City Archive[daud lenkje] (daud lenkje)
- ↑ Amsterdam City Archive[daud lenkje] (daud lenkje)
- ↑ Hut, M. van der (2010) Schilder Barend Graat en zijn model Jannitje Barents. I Amstelodamum, s. 34-38.
- ↑ Letje Lips (2009), s. 19
- ↑ 9,0 9,1 Barend Graat biography in De groote schouburgh der Nederlantsche konstschilders en schilderessen (1718) av Arnold Houbraken
- ↑ Allegorie op de Verzorging in het Oude Mannen- en Vrouwengasthuis, 1685 Arkivert 2012-07-01 ved Archive.is on the AHM website
- Denne artikkelen bygger på «Barend Graat» frå Wikipedia på engelsk, den 1. november 2017.
Bakgrunnsstoff
endre
- Måleri av Graat ved Artnet.com