Berit Ås

Berit Ås (fødd Berit Skarpaas; 10. april 1928–14. september 2024) var ein norsk sosialpsykolog og politikar frå Fredrikstad, busett på Nesbru i Asker kommune. Ås var den første partileiaren i Sosialistisk Venstreparti. Ho var ein viktig figur i norsk kvinnerørsle.

Berit Ås
Fødd	10. april 1928 Fredrikstad
Død	14. september 2024 (96 år)
Statsborgar av	Noreg
Parti	Arbeidarpartiet (ukjend; 1972), Demokratiske Sosialistar (1973; 1975), Sosialistisk Venstreparti (1975; 2024)
Yrke	politikar, universitetslærar, psykolog, konspirasjonsteoretiker
Institusjonar	Universitetet i Oslo
Utdanna ved	Universitetet i Oslo University of Michigan
Alle verv	stortingsrepresentant (1973–1977) vararepresentant til Stortinget (1969–1973) vararepresentant til Stortinget (1977–1981) partileiar (Sosialistisk Venstreparti, 1975–1976)

Bakgrunn

Ås vart cand.psychol. i Oslo i 1953. Ho tok spesialutdanning i sosialpsykologi ved University of Michigan i perioden 1958-1959.

Politisk karriere

Ås var mellom anna ei av kvinnene bak «Kvinnekuppet», ein politisk aksjon som oppmoda til kumuleringar og strykingar på vallistene til kommunevalet i 1971 for å få kvinner inn i styringa av kommunane. På den måten vart det kvinneleg fleirtal i kommunestyret i Asker, 27 kvinner og 20 menn. Dette fullt lovlege «kuppet» vekte internasjonal merksemd.

Då SV vart skipa i 1975, vart ho leiar. Ho hadde bakgrunn frå DNA-utbrytargruppa AIK, og var mellom dei 16 representantane Sosialistisk Valforbund fekk valt inn på Stortinget i 1973. Ho sat som leiar i eitt år, før Berge Furre tok over.

Mellom dei viktigaste bragdene hennar som forskar reknar ein identifikasjonen av dei fem hersketeknikkane, som ho skreiv om i 1979.

Prisar og utmerkingar

I 1997 vart ho riddar av 1. klasse av St. Olavs Orden. Ho mottok òg ein internasjonal akademikarpris ved Amsterdam Universitet i 1988.

Bakgrunnsstoff

• «Berit Ås». Stortinget.no. 

• Haslund, Ebba. 2008. Ild fra Asker : et portrett av Berit Ås. Oslo: Pax forlag. ISBN 978-82-530-3102-6