Berlin Brandenburg lufthamn
Berlin Brandenburg internasjonale lufthamn (BER, fullstendig namn Flughafen Berlin Brandenburg «Willy Brandt») er ei ny lufthamn som vert bygd på grensa mellom delstatane Berlin og Brandenburg i Tyskland. Ho representerer ei utviding av Berlin-Schönefeld lufthamn.
| Berlin Brandenburg lufthamn | |||
 | |||
| IATA | BER  | ||
|---|---|---|---|
| ICAO | EDDB | ||
| Operatør | Flughafen Berlin Brandenburg GmbH | ||
| Tener | Berlin, Brandenburg | ||
| Stad | Schönefeld | ||
| Opna | 31. oktober 2020, 31. oktober 2020 | ||
| Høgd | 156 fot | ||
| Koordinatar | 52°21′44.09″N 13°30′2.42″E | ||
| Nettstad | https://ber.berlin-airport.de/ | ||
Byggjearbeida byrja 5. september 2006, og det var planlagt å opna lufthamna 3. juni 2012.[1] Den 8. mai 2012 vart det gjort kjent at opninga var utsett med minst to månader.[2] Grunnen var at brannvernsteknikken ikkje kunne fungera optimalt innan den planlagde opningsdatoen.
17. mai 2012 erklærte regjeringssjefen i Berlin, Klaus Wowereit, at lufthamna skulle takast i bruk 17. mars 2013[3]. Seinare vart opningsdatoen sett til 27. oktober 2013.[4] 6. januar 2013 vart det gjort kjent at lufthamna ikkje kunne opnast til det planlagde tidspunktet,[5] på grunn av graverande, «nesten grufulle» problem.[6] Etter nye planar skal lufthamna takast i bruk 31. oktober 2020, medan Berlin–Tegel internasjonale lufthavn etter planen skal stengja 8. november same år.[7]
Tilkomst
endreFlughafen Berlin Brandenburg stasjon er ein underjordisk jernbanestasjon innanfor flyplassområdet. Han handsamar internasjonal fjerntrafikk, regiontrafikk og S-Bahn-trafikk. Regiontrafikken vert supplert med busslinjer.
Lufthamna er knytt til vegnettet via eit eige kryss på motorvegen A 113. Gods- og persontrafikk er fråskilde i eit trafikknutepunkt eit stykke austom terminalen. Det har vorte innretta 10 000 parkeringsplassar for kundar og 5 000 for tilsette.
Kjelder
endre- ↑ «Am 3. Juni 2012 soll hier das erste Flugzeug abheben». Der Tagesspiegel. 25. juni 2010. Henta 2. juni 2011.
- ↑ «BER-Eröffnung verschoben». airliners.de. 8. mai 2012. Arkivert frå originalen 10. mai 2012. Henta 9. mai 2012.
- ↑ «Flughafen Berlin Brandenburg: Wowereit verspricht Eröffnung am 17. März 2013». spiegel.de. 17. mai 2012. Henta 17. mai 2012.
- ↑ Heimesida til flyplassen
- ↑ «Hauptstadtflughafen wird auch 2013 nicht öffnen». Manager magazin. 7. januar 2013. Henta 10. januar 2013.
- ↑ «Probleme am Hauptstadt-Airport "grauenhaft"». Manager magazin. 8. januar 2013. Henta 10. januar 2013.
- ↑ «Flughafen BER soll am 31. Oktober 2020 eröffnen». Arkivert frå originalen 29. november 2019. Henta 29. november 2019.
- Denne artikkelen bygger på «Berlin Brandenburg lufthavn» frå Wikipedia på bokmål, den 10. oktober 2018.