Berry van Aerle
Hubertus Aegidius Hermanus van Aerle, kjend som Berry van Aerle, (fødd 8. desember 1962) er ein nederlandsk tidlegare fotballspelar frå Helmond som vart europameister med Nederland i 1988, nøyaktig ein månad etter han med PSV Eindhoven var med å vinne europacupen 1988. Han spelte jamnast høgreback, tidvis vart han nytta i ei defensiv midtbanerolle.
 | |||
| Personleg informasjon | |||
|---|---|---|---|
| Fullt namn | Hubertus Aegidius Hermanus van Aerle | ||
| Fødselsdato | 8. desember 1962 (61 år) | ||
| Fødestad | Helmond i Nederland | ||
| Høgd | 177 cm | ||
| Posisjon | Høgreback | ||
| Seniorkarriere* | |||
| År | Lag | Kampar | (Mål) |
| 1981-1994 | PSV | 278 | (12) |
| 1986-1987 | → Royal Antwerp (lån) | 22 | (1) |
| 1994-1995 | Helmond | 15 | (1) |
| Totalt | 315 | (14) | |
| Landslag | |||
| 1987-1992 | Nederland | 35 | (2) |
| * Seniorklubbkampar og mål berre telt for nasjonal liga | |||
Klubbspel
endreAerle debuterte for PSV i mai 1982 og spelte totalt 278 seriekampar for laget frå Eindhoven fram til 1994. Med PSV vart han nasjonal seriemeister fem gongar i tida 1986-92. Høgdepunktet som PSV-spelar opplevde han då laget vann Europacupen 1988 med 6-5 mot Benfica, etter ein mållaus kamp og straffeskyting. 1986/87-sesongen spelte Aerle på Royal Antwerp i Belgia på utlån. Han avslutta fotball-karrieren med ein sesong, 1994/95, på andrenivålaget Helmond Sport frå fødebyen. Aerle skåra einast 12 seriemål gjennom sine 13-14 sesongar i toppfotballen.
Landslagsspel
endreNederlands landslag gjorde seg nytte av Aerle i 35 kampar frå debuten i Polen i 1987, utan han nokon gong kom på skåringslista. Under den sigerrike europameisterskapen i 1988, der Nederland vann finalen med 2-0 over Sovjetunionen, spelte Aerle høgreback i alle fem oppgjera til Nederland. Sidan deltok han i |Fotball-VM 1990 og i EM 1992, i begge turneringane med plass i fyrsteellevaren. Han spelte sin siste landskamp i november 1992, som i debuten med Polen på motsett banehalvdel.
Merittar
endre- Europameister: 1988 for Nederland
- Vinnar av meisterligaen: 1987 med PSV Eindhoven
- Nederlandsk seriemeister: 1986, 1988, 1989, 1991 og 1992 med PSV Eindhoven
- Nederlandsk cupmeister: 1988, 1989 og 1990 med PSV Eindhoven
Kjelder
endre- Denne artikkelen bygger på «Berry van Aerle» frå Wikipedia på nederlandsk, den 28. august 2018.
- eu-football Arkivert 2018-08-29 ved Wayback Machine.