Billefjorden

Billefjorden er ein 11 km lang fjordarm inst i Isfjorden på Spitsbergen på Svalbard. Billefjorden går av frå Isfjorden saman med Sassenfjorden, mellom dei ligg fuglereservatet Gåsøyane. Det nedlagde sovjetiske gruvesamfunnet Pyramiden ligg i fjorden, og isbrea Nordenskiöldbrea har brefronten ut i fjorden. Ved Pyramiden blei det brote kol, og inst i fjorden finst det gips og anhydritt.

Det polske forskingsfartøyet SY «Eltanin» ved Brucebyen i Billefjorden.

Fjordnamnet vart først nytta om Adventfjorden, men frå siste halvdel av 1800-talet vart namnet nytta som i dag. Fjorden er oppkalla etter den nederlandske kvalfangaren Cornelius Claeszoon Bille, som var aktiv i 1675.

Kjelder

• The Place-names of Svalbard Norsk polarinstitutt 1942/2001 ISBN 82-90307-82-9

Kjelde

• Den norske los, vol. 7, 2 utg. (Stavanger: Norges sjøkartverk og Norsk polarinstitutt, 1990).
• Store norske leksikon: Isfjorden

Denne geografiartikkelen er ei spire. Du kan hjelpe Nynorsk Wikipedia gjennom å utvide han.