Bilverkstad
Bilverkstad er ein verkstad som har spesialisert seg på å gjere reparasjons-, vedlikehalds-, ombyggings-, oppbyggings- og påbyggingsarbeid på motorkøyretøy som bilar og liknande. I fleire land kan offentleg godkjende bilverkstader òg utføra teknisk kontroll av køyretøy på vegner av styresmaktene, som til dømes periodisk køyretøykontroll.
.jpg)
Noreg
endreI Noreg vert det kravd offentleg løve for å kunne drive slik verksemd når det gjeld arbeid som har å gjere med bremseinnretning, styreinnretning, berekonstruksjon, drivverk, hjuloppheng, hjulutrustning, motor, drivstoffopplegg og elektriske opplegg, medrekna lysutstyr, på bil, to- og trehjuls motorvogn, traktor og motorreiskap som er konstruert for fart på 50 kilometer i timen eller meir, og tilhengar med brems til slike køyretøy. Det er fastsett spesifiserte krav til utstyr, lokale og kunnig mannskap.