Birgit Hagen
Birgit Hagen (4. oktober 1912–7. april 2004) var ein norsk tekstilkunstnar, målar og teiknar.
| Birgit Hagen | |
| Statsborgarskap | Noreg |
| Fødd | 4. oktober 1912 |
| Død |
7. april 2004 (91 år) |
| Yrke | kunstnar |
Liv og arbeid
endreBirgit Hagen vart fødd i Vats, ei fjellbygd i Ål kommune. Ho var dotter til Kari Randen og Engebret Dusegard-Hagen og vaks opp på småbruket Brattegardshagen.[1] I barndommen var ho og søskena med i arbeidet på garden og i fjellet, blant anna på Jonsstølen ved Gyrinosvatnet og ved fjellvatnet Bjørnsenn. Ein kan merke ein nærleik til naturen i mange av arbeida hennar, til dømes i teppet Vår i Bjønsen, samtidig som formspråket er abstrakt.[2]
Etter teiknelinja ved Statens kvinnelige industriskole i Oslo i åra 1943–45 kom Birgit Hagen i kontakt med den finske tekstilkunstnaren Maija Kansanen-Størseth, som fekk henne til å utdanne seg vidare i 1946–47 ved Centralskolan för konstflit (i dag del av Aalto-universitetets högskola för konst, design och arkitektur) i Helsingfors. I Finland møtte ho eit moderne formspråk som også omfatta biletvev, og ho fekk høve til å utvikle eit personleg kunstnarleg uttrykk i veven. Dei første arbeida var ryer og biletvev med filler. Seinare gjekk ho over til finare, meir tidkrevjande materiale. Ho spann og farga garn sjølv, men kombinerte det med kjøpt garn og andre trådar som gav kontrast.
Hovudverka er ei rekke store biletteppe i impresjonistisk stil. Glød og rikdom i fargane er det berande elementet, og materialbruken er variert. Motiv og inspirasjon er henta frå fjellet og frå reiser i Europa. Dei siste åra arbeidde ho mest med teikning og oljemåleri, som var raskare og meir fleksibelt enn veven.
Birgit Hagen bestemte seg tidleg for å ikkje selje arbeida sine, og i 2002 vart det meste av produksjonen hennar på nesten 50 biletteppe, 70 måla plater og fleire manuskript gjeven til Hallingdal Museum.
Stiftelsen til fremme av Birgit Hagens kunst
endreDet er oppretta ein stiftelse som skal sjå til at Birgit Hagens kunst, dvs. det vevde, måla og skrivne arbeidet, blir teke vare på og gjort kjent.
Utdanning og stipend
endre- 1943–1945 Statens kvinnelige industriskole, Oslo. Toårig teikneklasse.
- 1946–1947 Centralskolan för konstflit, Helsingfors
- 1948 og i åra framover praktikant/assistent på Sigrun Bergs vevstove
- 1953 Stipend Fondet for dansk-norsk samarbeid
- 1977–1978 Vidareutdanningsstipend for kunstnarar, med opphald i Paris
- 1980 Hospitant ved Oslo Kunstakademi
- 1980–1981 Hospitant ved Vestlandets kunstakademi
Utstillingar
endre- Galleri Per, Oslo 1949, separatutstilling
- Brukskunst, haustutstillinga i Kunstnernes hus 1950–1952
- Norsk Brukskunstutstilling, Gøteborg og København 1951
- Triennale di Milano,1960. Tildelt diplom for teppet Moder jord
- Kunstindustrimuseet, Oslo 1970, separatutstilling
- «Ung visjon», Molde 1982, kollektivutstilling
- «Inntrykk I», Hallingdal Museum, Nesbyen 2003
- «Inntrykk II», Hallingdal Museum, Nesbyen 2003
- «Årstidene», Hallingdal Museum, Nesbyen 2004
- «En drøm», Hallingdal Museum, Nesbyen 2004
- «Apokalypse. Åpenbaringens symboler», Hallingdal Museum, Nesbyen 2010
- «Drama-teppene fra Birgit Hagens samlinger», Geilo kulturkyrkje, Geilo 2011–2012
- «Birgit Hagen. 100 år – 100 verk», Hallingdal Museum, Nesbyen 2012
- «Birgit Hagen-sommar», friluftsutstilling ved Leveld kunstnartun 2015, 2016 og 2017 med foto av 22 biletteppe og broderi. Inntil vidare ei permanent sommarutstilling.
- «Ode til en vaskeklut, hymne til en tiger. Norske tekstilkunstnere 1977–2017», Kunstnerforbundet Oslo 2017, Kunsthall Stavanger 2018, kollektivutstilling
- «Tepper av Birgit Hagen», Ål kulturhus 2018
- «Birgit Hagen – Einsamt hjarta», Drammen museum, 10. februar 2022 – 15. mai 2022
Utsmykkingar
endre- «Nymfer og solstråler» 210 × 130 cm, Hallingdal Sjukestugu – Vestre Viken, Ål
- Biletteppe 205 × 200 cm, 1966, Nordli kyrkje, Namdal
- Brureteppe, 220 × 150 cm, 1959, Ål kyrkje (frå 2014 oppbevart på Hallingdal Museum, Nesbyen)
- «Ild» 100 × 79 cm, 1954, Porsgrunn Lutherske Sykehus
- «Bønn» 150 × 100 cm, 1951, Vic Hotell Porsgrunn (truleg tapt)
Kjelder
endre- ↑ Ellingsgard, Nils (2011). Hallingdal i biletkunsten. Boksmia forlag. s. 206–215. ISBN 978-82-91871-27-1.
- ↑ «Veggteppe: Vår i Bjønsen». digitaltmuseum.no (på norsk bokmål). Henta 13. mai 2018.
- Denne artikkelen bygger på «Birgit Hagen» frå Wikipedia på bokmål, den 30. juni 2024.
Litteratur
endre- Katalog: Birgit Hagen. Stiftelsen til fremme av Birgit Hagens kunst/Hallingdal Museum, 2011. ISBN 978-82-303-1892-8
- Nils Ellingsgard: Hallingdal i biletkunsten, Boksmia forlag 2011. ISBN 978-82-91871-27-1
- Runa Boger: Sent, men godt, en historiefortelling i tekstil, Stiftelsen til fremme av Birgit Hagens kunst/Hallingdal Museum, 2016
- Filmprodusentane AS: Jeg vil veve som om jeg malte, ein film om Birgit Hagen og hennar kunst, 2018
- Filmprodusentane AS: Ein kort video der Birgit Hagen sjølv les tekstar til nokre av arbeida sine, 2018
Bakgrunnsstoff
endre- Om Birgit Hagen kort video, 2018
- Jeg vil veve som om jeg malte ein film om Birgit Hagen, 2018
- Birgit Hagens tepper og malerier på Digitalt Museum
- Birgit Hagen-sommar. Friluftutstilling, Leveld kunstnartun 2015
- Sent, men godt, en historiefortelling i tekstil., Runa Boger, 2018
- «(+) Med god orden i sysakene» av Tommy Olsson, Klassekampen 29. mars 2017
- Birgit Hagen i Norsk kunstnerleksikon
- Leveld kunstnartun på Facebook