Bjørn Lyder Aarseth

Bjørn Lyder Aarseth (fødd 11. mai 1926 i Kautokeino, daud 9. juli 2010 i Oslo) var ein norsk lærar, skulerektor og museumskonservator, son av Karen Marie Olsen Aarseth og Lyder Aarseth.

Bjørn Lyder Aarseth
Fødd	11. mai 1926
Død	9. juli 2010 (84 år)
Yrke	etnograf, kurator
Språk	norsk
Far	Lyder Aarseth

Aarseth vaks opp i Kautokeino. I arbeidet sitt var han særleg oppteken av samisk kultur og samfunnsliv. Han var lærer og rektor ved skular i samiske område, 1949-1972 i Karasjok. 1972 vart han tilsett ved samisk-etnografisk avdeling ved Tromsø Museum og 1982 vart han førstekonservator for den samiske avdelinga ved Norsk Folkemuseum, der han var fram til han vart seniorstipendiat i 1993. Han var òg aktiv i Norsk kulturråd. Aarseth er forfattar av ei rekkje publikasjonar om samiske tilhøve.

Utmerkingar

I 2006 utnemnde Kongen Aarseth til riddar av 1. klasse av St. Olavs Orden «for hans innsats for samisk kultur».

Aarseth var æresmedlem av Oslo Sámiid Searvi.

Bibliografi

• Norsk samepolitikk 1945-1990: Målsetninger, virkemidler og resultater, Forlaget Vett og Viten, Norsk Folkemuseum, 2006.
• The Sami: Past and present, Oslo: Norsk folkemuseum, 1993.
• «Kautokeino-kofta – tradisjon og fornying», i Stephan Tschudi-Madsen (red.): På nordmanns vis. Norsk folkemuseum gjennom 100 år, Oslo, 1993, s. 168-169.
• «Náhppi – arbeidslivets brukskunst», i Stephan Tschudi-Madsen (red.): På nordmanns vis. Norsk folkemuseum gjennom 100 år, Oslo, 1993, s. 58-59.
• Samene igår og i dag, Tromsø: Tromsø museum, Universitetet i Tromsø, 1990, 1991.
• Redaktør: Grenser i Sameland, Oslo: Norsk folkemuseum , 1989.
• Med Ivar Bjørklund: The Sámi people (Lapps), Tromsø: Tromsø museum, Universitetet i Tromsø, 1987.
• Noen hovedtrekk i samfunnsutviklingen i samiske bosettingsområder de siste årtier, Tromsø: Tromsø museum, 1980.

Referansar

• Denne artikkelen bygger på «Bjørn Lyder Aarseth» frå Wikipedia på bokmål, den 4. mai 2020.