Bjarte Bruland
Bjarte Bruland (fødd 11. april 1969) er ein norsk historikar og er frå Førde i Sunnfjord. Han har historisk-filosofisk embetseksamen frå Universitetet i Bergen med historie som spesialfelt.
| Bjarte Bruland | |||
 | |||
| Fødd | 11. april 1969 Førde | ||
|---|---|---|---|
| Nasjonalitet | Noreg | ||
| Yrke | historikar | ||
Akademisk arbeid
endreBjarte Bruland har forska mykje på skjebna til jødane i Noreg under andre verdskrigen. Han var tilsett som prosjektleiar ved Jødisk Museum i Oslo frå 1. januar 2007 til 31. desember 2014 der han hadde ansvar for utstillingar, innsamling av foto og gjenstandar til samlinga i museet og andre gjeremål. Bjarte Bruland har også vore engasjert i fleire andre studie, formidling-og forskingsprosjekt om lagnaden til dei norske jødane.
Bruland var medlem i det offentleg nedsette utvalet der mandatet var å granske kva som skjedde med eigedomane til dei norske jødane under og etter den andre verdskrigen. I granskinga NOU 1997 : 22 Inndragning av jødisk eiendom i Norge under den 2. verdenskrig utarbeidde og førte Bjarte Bruland i lag med Berit Reisel utgreiinga til mindretalet. Det blei seinare lagt til grunn av regjering og Storting.
Bjarte Bruland har i 2000–2015 arbeidd med ein database over jødar i Noreg med formål å kartlegge lagnaden til desse under verdskrigen 1940–1945.
Boka Holocaust i Norge : registrering, deportasjon, tilintetgjørelse (2017) er ei vidareføring av eit treårig doktorgradsstipend frå Universitetet i Bergen med arbeidstittel Norge og Holocaust, ca. 1925-1950. I eit intervju med Bjarte Bruland i vekeavisa Dag og Tid blir det hevda at boka kan bli eit referanseverk om holocaust i Noreg.[1]
Bjarte Bruland er tildelt statsstipend frå 2019 i samband med dokumenteringa og synleggjeringa av lagnaden til dei norske jødane under den tyske okkupasjonen april 1940 til mai 1945.[2]
Bibliografi
endreBøker
endre- 2008 – Det norske holocaust : forsøket på å tilintetgjøre de norske jødene (Oslo: HL-senteret). ISBN 9788299750394 [Temahefte frå Senter for studier av Holocaust og livssynsminoriteter]
- 2012 – Øyenvitner : rapport etter norske jøders hjemkomst fra konsentrasjonsleiren (Oslo: Dynamo). ISBN 9788280712646
- 2017 – Holocaust i Norge : registrering, deportasjon, tilintetgjørelse (Oslo: Dreyer forlag). ISBN 9788282651424
- 2020 – Rapport frå ein gjennomgang av Hva visste hjemmefronten (Oslo: Dreyer forlag). ISBN 9788282655583 [Forfattarar: Elise B. Berggren, Bjarte Bruland og Mats Tangestuen]
Kjelder
endre- ↑ Hustad, Jon (5. mai 2017). «Jødeutryddinga sedd frå Noreg». Dag og Tid (18): 12.
- ↑ Regjeringa (8. oktober 2018). «Statsstipend til Evy Johanne Håland og Bjarte Bruland». Statsbudsjettet 2019. Pressemelding.
Bakgrunnsstoff
endre- Publikasjonar av Bjarte Bruland i forskingsdokumentasjonssystemet Cristin
- 1997:22 Inndragning av jødisk eiendom i Norge under den 2. verdenskrig. Oslo: Statens forvaltningsteneste. 1997. [Forfattarar: Oluf Skarpnes (utvalsleiar), Bjarte Bruland, Thor Falkanger, Eli Fure, Ole Kristian Grimnes, Berit Reisel, Guri Sunde,Torfinn Vollan (Utvalsmedlemmane). Serie: Norges Offentlege Utgreiingar (NOU)]