Blaženko Lacković
Blaženko Lacković (fødd 25. desember 1980) er ein kroatisk tidlegare handballspelar frå Novi Marof. Han vart verdsmeister 2003 og olympisk meister 2004 med Kroatia sitt landslag. Vinnar av EHF-meisterligaen 2013. Lacković var venstre rykkromspelar.
| Blaženko Lacković | |
|
| |
| Statsborgarskap | Kroatia |
| Fødd | 25. desember 1980 (43 år) Varaždin |
| Idrett | handball |
| Tok del i | |
Karriere endre
Landslagsspel endre
Lackovic var ein sentral spelar på Kroatia sitt landslag, skåra mange mål med sine harde skot og kraftige spenst. Åra frå 2003 til 2013 sanka han VM-gull, OL-gull, to VM-sølv og like mange EM-sølv, ein medaljehaust som innom eitt år vart avslutta med bronsemedalje i EM, OL og VM. Han deltok i 195 av Kroatia sine landskampar og skåra 571 mål.
Klubbspel endre
Lackovic spelte frå 2001 i tre år for RK Zagreb i heimlandet. Sidan gjorde han teneste i tyske Flensburg-Handewitt i fire sesongar, der han var med å vinne pokalfinalen i 2005 og tape finalen i EHF-meisterligaen i 2007. Sommaren 2008 flytta Lacković til HSV Hamburg. Her vart han vinnar av pokalfinlen 2010, bundesligaen 2011 og meisterligaen i 2013. 2014-16 spelte han for det makedonske laget Vardar. Med Vardar vart han makedonsk dobbelmeister i 2015. I februar 2016 byrja han spele for THW Kiel i Tyskland. Etter i 2017 å ha vorte tysk pokalvinnar for tredje gong, med tre ulike lag, fór Lacković sommaren 2017 tilbake til HSV Hamburg, ein klubb som då ikkje lengre deltok i øvste bundesliga. Aktiv til 2020.
Merittar endre
- Handball-VM 2001 for menn: Nr 9
- Handball-EM 2002 for menn: Nr 16
- Handball-VM 2003 for menn: Gullmedalje, siger over Tyskland
- Handball-EM 2004 for menn: Nr 4
- Sommar-OL 2004: Gullmedalje, siger mot Tyskland
- Handball-VM 2005 for menn: Sølvmedalje, tap mot Spania
- Handball-EM 2006 for menn: Nr 4
- Handball-VM 2007 for menn: Nr 5
- Handball-EM 2008 for menn: Sølvmedalje, tap mot Danmark
- Sommar-OL 2008: Nr 4
- Handball-VM 2009 for menn: Sølvmedalje, tap mot Frankrike
- Handball-EM 2010 for menn: Sølvmedalje, tap mot Frankrike
- Handball-EM 2012 for menn: Bronsemedalje
- Sommar-OL 2012: Bronsemedalje
- Handball-VM 2013 for menn: Bronsemedalje
- Vinnar av EHF-meisterligaen: 2013 for HSV Hamburg
- Kroatisk seriemeister: 2002, 2003, 2004 for RK Zagreb
- Kroatisk cupmeister: 2003, 2004 for RK Zagreb
- Tysk seriemeister: 2011 for HSV Hamburg
- Tysk pokalmeister: 2005 for Flensburg-Handewitt
- Tysk pokalmeister: 2010 for HSV Hamburg
- Tysk pokalmeister: 2017 for THW Kiel
- Makedonsk seriemeister: 2015 for Vardar
- Makedonsk cupmeister: 2015 for Vardar
Kjelder endre
- Denne artikkelen bygger på «Blaženko Lacković» frå Wikipedia på tysk, den 7. oktober 2023.
- Denne artikkelen bygger på «Blaženko Lacković» frå Wikipedia på engelsk, den 7. oktober 2023.
