Boy av U2

Boy er debutalbumet til det irske rockebandet U2. Det kom ut 20. oktober 1980. All musikken på albumet er skriven av U2, musikken er skriven av Bono (Paul David Hewson). Musikkmagasinet Rolling Stone plasserte Boy på 417. plass på lista si over «Verdas 500 beste album».

Bakgrunn

Singelen I Will Follow som kom før plata, blei ein hit på skuleradioane og var med på å skape forventningar til bandets debutalbum. Songen handlar om Bono si mor som daude då han var 14 år, og blei oppfatta som ein religiøs song. Dette styrkte påstanden om den kristne trua til gruppa, noko Bono bekrefta mange år seinare under eit intervju med NME i 2007.

Albumet blei spelt inn på Windmill Lane Studios i Dublin med Steve Lillywhite som plateprodusent. Nokon av songane, til dømes «An Cat Dubh» og «The Ocean» blei skrivne og spelt inn i studio. Mange av dei andre, som «Stories for Boys», «Out of Control» og «Twilight», var songar som blei framført regelmessig under konsertane deira på den tida.

Albumet kom etter Three, ein EP med tre melodiar som hadde andre versjonar av «Out of Control», «Stories For Boys» og ein song kalla «Boy/Girl». Tidlege vinylkopiar av albumet har ein kort, 30-sekunders instrumentalversjon av det som skulle bli låten «Fire» på albumet October på slutten av albumet, etter «Shadows and Tall Trees».

Guten på omslagsfotografiet er Peter Rowan (bror av Bonos venn Guggi), som også er på omslaget av Three, War, og The Best of 1980-1990. Biletet måtte endrast til eit forvrengt bilete av gruppa til albumlanseringen i USA, då dei frykta å bli anslaga for barnepornografi.

Boy er det einaste U2-albumet der alle songane har blitt framført på konsertar minst ein gong.

Spor

1. "I Will Follow" - 3:37
2. "Twilight" - 4:22
3. "An Cat Dubh" - 4:46
4. "Into the Heart" - 3:27
5. "Out of Control" - 4:13
6. "Stories for Boys" - 3:02
7. "The Ocean" - 1:35
8. "A Day Without Me" - 3:13
9. "Another Time, Another Place" - 4:33
10. "The Electric Co." - 4:47
11. "Shadows and Tall Trees" - 4:36

Bakgrunnsstoff

• Albumoversikt hos U2 Wanderer--Innhaldsrike detaljar om forskjellige utgåver, omslagsbilete, tekstar og meir.
• Albumlyrikk Arkivert 2005-08-26 ved Wayback Machine.---Søk etter tekstar frå album
• U2 turnéoversikt hos U2-Vertigo-Tour.com--Inneheld spelelister for kvar dato på Boy-turneen i tillegg til tidlegare datoar.
• Sitater og informasjon--Detaljert bakgrunnsinformasjon om kvar song.
• U2MoL Arkivert 2007-04-27 ved Wayback Machine.--Inneheld fantolkningar og intervjuutdrag for kvar song.
• «U2-gutten, Peter Rowan»--Bilete av og informasjon om Peter Rowan.

Kjelder

• Denne artikkelen bygger på «Boy (album)» frå Wikipedia på bokmål, den 26. august 2012.

Bokmål wikipedia oppgav denne kjelda: <references>

418:  Band on the Run  Paul McCartney and Wings

Plassering på lista til Rolling Stone frå 2012 over dei 500 beste albuma gjennom tidene 417 Boy  U2

416:  Mule Variations  Tom Waits