Bratsk
Bratsk (russisk Братск) er ein by i Irkutsk oblast i Russland. Han ligg på vestsida av det enorme Bratsk-reservoaret i elva Angara, rundt 470 km nordvest for Irkutsk. I 2007 hadde han om lag 250 000 innbyggjarar.
| Bratsk Братск | |||
|---|---|---|---|
 | |||
| |||
| Plassering | |||
  | |||
| Styresmakter | |||
| Land |  Russland
| ||
| Føderasjonssubjekt | Irkutsk | ||
| Grunnlagd Bystatus |
1631 1955 | ||
| Geografi | |||
| Flatevidd - By |
428 km² | ||
| Innbyggjarar - Totalt (2007) - folketettleik |
253 200 591,6 /km² | ||
| Koordinatar | 56°07′0″N 101°36′0″E / 56.11667°N 101.60000°E | ||
| Høgd over havet | 450 moh. | ||
| Tidssone - Ved sommartid |
IRKT (UTC+8) IRKST (UTC+9) | ||
| Diverse annan informasjon | |||
| Postnummer | 665700–665732 | ||
| Retningsnummer (tlf) | (+7)3953 | ||
| Nettstad: www.bratsk-city.ru | |||
.png)
Historie
endreBratsk vart grunnlagd av russiske nybyggjarar i 1631, som kom til staden for å krevja inn skatt frå lokale burjatar. Den permanente busetjinga byrja med konstruksjonen av ei festning (ostrog) i 1631 ved møtepunktet mellom elvene Oka og Angara.[1] Fleire tretårn frå 1600-talsfortet er no utstilt på Kolomenskoje-godset i Moskva.
I 1947 vart Angara arbeidsleir, ein del av gulagsystemet, oppretta nær Bratsk. Han hadde kapasitet for opptil 44 000 fangar som vart sette til prosjekt som bygginga av jernbanen frå Tajsjet til Ust-Kut via Bratsk.[2]
Den raske utviklinga til byen starta på midten av 1950-talet med bygginga av det store (4500 MW) vasskraftverket i Angara.
Økonomi og næringsliv
endreBratsk vasskraftverk er den viktigaste næringa i byen. Av øvrig industri i byen finn ein eit aluminumsverk og ein tremassefabrikk.
Miljøproblem
endreBratsk var av Blacksmith Institute sin «Dirty Thirty», dei tretti mest forureina stadane i verda.[3]
Inntil nyleg var Bratsk-reservoaret - som er eit av dei største i verda - drikkevasskjelde for mange nærliggande byar. Men etter at tonnevis av kvikksølv vart funne på botn av reservoaret vart innbyggjarane åtvara og bede om å unngå reservoaret for ein kvar pris. Men på grunn av dei økonomiske problema i Russland vert reservoaret framleis nytta til fiske av hardt pressa lokale innbyggjarar. I følgje Jurij Udodov, leiar for Den føderale økologi-komitéen i Irkutsk oblast, så har dette området «den høgaste utsleppsmengda av metallisk kvikksølv i heile Sibir.»[4] Mengda av kvikksølvforureining i bakken rundt den nærliggande den kjemiske fabrikken Usolje tilsvarar halvparten av den globale produksjonen av kvikksølv i 1992.[5]
Bratsk er erklært ein økologisk katastrofesone. Bratsk aluminiumsverk har forureina omgjevnadane sine i så stor grad at byen Tsjikanovskij vart evakuert i 2001 på grunn av gjentatte helsemessige kriser.[6]
Transport
endreBratsk ligg ved BAM (Bajkal-Amur Magistrale)-jernbanen. Bratsk lufthamn ligg 25 km nord for byen.
Utdanning
endreHøgare utdanningsinstitusjonar i byen er Bratsk statlege tekniske universitet og ei avdeling av Irkutsk statlege universitet.
Sjå òg
endreKjelder
endre- Denne artikkelen bygger på «Bratsk» frå Wikipedia på bokmål, den 30. november 2008.
- Wikipedia på bokmål oppgav desse kjeldene:
- ↑ «Старый Братск 1620 - 1700 г. - Администрация города Братска». www.bratsk-city.ru. Arkivert frå originalen 17. februar 2022. Henta 22. mai 2021.
- ↑ Gulags in the Baikal region, gulag.memorial.de
- ↑ Blacksmith Institute, arkivert frå originalen 26. oktober 2006, henta 30. november 2008
- ↑ Earth Island Institute: Earth Island Journal - World News (Winter/Spring 1998-1999), arkivert frå originalen 18. oktober 2007, henta 30. november 2008
- ↑ Earth Island Institute: Earth Island Journal - World News (Winter/Spring 1998-1999), arkivert frå originalen 18. oktober 2007, henta 30. november 2008
- ↑ The Blacksmith Institute, arkivert frå originalen 26. oktober 2006, henta 30. november 2008