Brekkbønne
(Omdirigert frå Brekkbønner)
Brekkbønne eller brytbønne er ei kulturform av hagebønne med lengre eller kortare belgar som er runde eller ovale i tverrsnitt. Belgane blir skorne opp i 3–5 delar eller snitta som snittebønner, og kan oppbevarast djupfrosne.[1]
I Noreg skil ein vanlegvis mellom brekkbønner og aspargesbønner gjennom storleiken på skolmane. Brekkbønner er typisk større medan aspargesbønner er små og runde.[2] Tidlege sortar av brekkbønne kan dyrkast i innlandsstrok og nordover i Noreg.[1]
Ein annan variant av brekkbønner med lange, tynne og mørkegrøne belgar som ein kan koka heile blir kalla delikatessebønner, haricots verts eller kenyabønner.[2]
Kjelder
endre- ↑ 1,0 1,1 «Brekkbønne» (14. februar 2009) i Store norske leksikon, snl.no.
- ↑ 2,0 2,1 «Erter og bønner». frukt.no.
Bakgrunnsstoff
endre- Brekkbønner ved frukt.no