Bruce Lynch
Bruce Lynch (fødd 5. juni 1948) er ein newzealandsk bassist, plateprodusent og arrangør.
| Bruce Lynch | |||
| Fødd | 1. juni 1948 (76 år) | ||
|---|---|---|---|
| Opphav | New Zealand | ||
| Aktiv | Sidan 1970-åra | ||
| Sjanger | pop, rock | ||
| Instrument | Bassgitar Kontrabass Bass-synthesizer | ||
| Tilknytte artistar | Cat Stevens, Atlas, Zed, Morrissey–Mullen | ||
| Verka som | Musikar plateprodusent arrangør | ||
Musikkarriere
endreLynch kom til Storbritannia på midten av 1970-talet og vart ein kommersielt suksessfull studiomusikar, og turnerte mykje med Cat Stevens, inkludert Stevens sin Earth-turné i 1976 som sidemann som vart spelt inn som albumet Majikat. Han medverka på seks av Stevens sine album. Kona hans Suzanne Lynch song korvokal mykje av denne tida. Han spelte òg inn på to album for Richard Thompson, og eit album med Rick Wakeman og dessutan på Chris Rea-albumet Tennis frå 1980 og på Kate Bush sitt debutalbum. Medan han var i Storbritannia var han òg ein tidleg medlem av det britiske jazzfusion-bandet Morrissey-Mullen, saman med den newzealandske studiomusikaren Frank Gibson jr. på trommer.
Då han vende tilbake til New Zealand i 1981, byrja han å arrangera og orkestrera for newzealandsk fjernsyn og jazzensemble. Seinare vart han plateprodusent, og produserte mellom anna Kiri te Kanawa-albumet Maori Songs, «(Glad I'm) Not a Kennedy» av Shona Laing, og fekk to New Zealand Music Awards: i 1981 som Årets Produsent for Dave McArtney and the Pink Flamingos, og i 1986 som Beste produsent, for Peking Man.[1]
Den 18. september 2020 gav Yusuf/Cat Stevens ut Tea for the Tillerman 2, ei nyinnspeling av albumet Tea for the Tillerman frå 1970.[2] Lynch spelte bass på den nye innspelinga, og diskuterte bakgrunnen og detaljane om korleis dette skjedde med Jesse Mulligan på RNZ.[3]
Sonen til Bruce, Andy Lynch, er òg ein kjend gitarist. Han har spelt med Sting og var tidlegare gitarist i bandet Zed. Han speler for tida med det newzealandske bandet Atlas. Han skreiv musikk til fleire Power Rangers-seriar etter at produksjonen av serien flytta til Auckland og skreiv temasongen til Power Rangers Mystic Force.
Diskografi
endreMed Cat Stevens
endre- Buddha and the Chocolate Box (1974)
- Saturnight (Live in Tokyo) (1974) berre i Japan)
- Numbers (1975)
- Majikat – Earth Tour (1976) Eagle
- Izitso (1977)
- Back to Earth (1978)
- Tea for the Tillerman 2 (2020)
Med andre
endre- The Kick Inside (1978) – Kate Bush, EMI
- Rhapsodies (1979) – Rick Wakeman, A&M
- Tennis (1980) – Chris Rea, Magnet Records
- Across a Crowded Room (1985) – Richard Thompson, Polydor
- Watching the Dark – The History of Richard Thompson (1993) – Richard Thompson
- One Fine Day (2019) – Chris Rea
Kjelder
endre- Denne artikkelen bygger på «Bruce Lynch» frå Wikipedia på engelsk, den 14. april 2023.
- Wikipedia på engelsk oppgav desse kjeldene:
- ↑ allmusic
- ↑ Yusuf /Stevens, Cat. «New Album: Tea for the Tillerman²». Cat Stevens/Yusuf. Henta 22. september 2020.
- ↑ Mulligan, Jesse (22. september 2020). «Music Feature – Cat Stevens' Tea for the Tillerman 2». RNZ. Henta 22. september 2020.
Bakgrunnsstoff
endre- Bruce Lynch på Allmusic
- Bruce Lynch-diskografi på Discogs
- Bruce Lynch ved The Internet Movie Database (IMDb)