Brunpelikan

Brunpelikan (Pelecanus occidentalis) er den minste av dei åtte pelikanartane, men han er likevel ein relativt stor fugl, med ei lengd på 106–137 cm, ei vekt mellom 2,75 og 5,5 kg og vingespenn på mellom 1,83 og 2,5 m. Brunpelikanen finn ein fyrst og fremst ved kysten, men også ved store sjøar sør i Nord-Amerika, og i Mellom-Amerika, Karibia og nord i Sør-Amerika.

Brunpelikan
Brunpelikanbiletskildring
Utbreiing og status
Status i verda: Livskraftig Utbreiinga av brunpelikan
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Pelikanfuglar Pelecaniformes
Familie:	Pelikanfamilien Pelecanidae
Slekt:	Pelikanfamilien Pelecanus
Art:	Brunpelikan P. occidentalis
Vitskapleg namn
Pelecanus occidentalis Linnaeus, 1766

Han har ein lang hals, stort nebb, ein sekk i undernebbet og korte føter med symjehud mellom tærne. I hekketida er han gul på hovudet og halsen kvit. Når han ikkje hekkar er hovudet gulspraglete. Reiret byggjer han på bakken eller i tre av pinnar og vegetatsjon, ofte på øyar. Egga er kvite, det er vanlegvis to til tre av dei, og brunpelikanen rugar på dei i om lag ein månad.

Brunpelikanen jaktar fyrst og fremst på fisk i havet ved kysten. Han dykkar med hovudet fyrst for å fange fisk. Vatnet vert deretter tømt ut av nebbsekken, som kan romme 13 liter, før fisken vert svelgt. Det hender att måsar prøver å stele fisken ut av nebbet til pelikanen medan han tømmer ut vatnet.

Fleire bilete

• 
  Ein vaksen brunpelikan i lufta
• 
  Ein brunpelikan som akkurat har dykka etter mat
• 
  Ein brunpelikan som er i ferd med å svelgje noko

Kjelder

• «Brun pelikan» Wikipedia på svensk, innhenta 17. april 2010.
• «Brown Pelican» Wikipedia på engelsk, innhenta 17. april 2010.

Bakgrunnsstoff

Wikimedia Commons har multimedia som gjeld: Brunpelikan