Carl Albert Andersen
Carl Albert «Flisa» Andersen (15. august 1876–28. september 1951) var ein norsk friidrettsutaver og turnar. Han deltok i sommar-OL 1900 og 1908, og ekstraleikane i 1906. Han vert rekna for å vere Noregs første olympiske medaljevinnar då han vart tredje beste i stavsprang under leikane i 1900, med ny nordisk rekord - 3,20 m. Men sidan det i desse leikane berre vart delt ut medalje til dei to fyrste i kvar øving, fekk han aldri eigentleg noko medalje. Det er likevel vanleg å rekne dei som kom på tredjeplass i øvingane under desse leikane som medaljevinnarar i historiske oversikter. Andersen vart òg nr fire i høgdehopp med eit sprang på 1,70 m.
| Carl Albert Andersen | |
|
| |
| Statsborgarskap | Noreg |
| Fødd | 15. august 1876 Christiania |
| Død |
28. september 1951 (75 år) |
| Idrett | friidrett, turn |
| Tok del i | |
Andersen vart norsk meister både i stavsprang og høgde i 1896, 1897 og 1900. I 1906 deltok Andersen på det norske gymnastikklaget som tok lag-gull under jubileumsleikane i Aten. To år seinare var han òg på laget da det norske gymnastikklaget tok sølv i London.
Andersen represente Oslo-klubbane Ørnulf Idrætsforening og Oslo Turnforening.
Kjelder endre
- P. Chr. Andersen: De olympiske leker gjennom 50 år. Dreyers Forlag, 1945
- Rolf Bryhn og Knut Are Tvedt: Idrettsleksikon. Kunnskapsforlaget, 1990. ISBN 82-573-0408-5
- Per Jorsett: 100 år med olympiske leker. Hjemmets Bokforlag, 1996. ISBN 82-590-1681-8
- Denne artikkelen bygger på «Carl Albert Andersen» frå Wikipedia på bokmål, den 21. august 2008.