Carnot-syklus

Carnot-syklus er ein idealisert prosess innan termodynamikken der ein varmekraftmaskin, ein Carnot-maskin, utfører arbeid ved å ta opp varme i eit reservoar ved ein temperatur T₁ og avgje varme til eit reservoar med ein lågare temperatur T₂. Maskinen er tenkt å bestå av ein lukka sylinder med eit bevegeleg stempel og ei gassmengd innstengd i sylinderen.

Ein Carnot-syklus skildra på eit trykk-volum-diagram for å skildra arbeidet som er gjort.

Krinsprosessen vart skildra av og kalla opp etter Nicolas Léonard Sadi Carnot i 1824 og utvida av Benoit Paul Émile Clapeyron i 1830- og 1840-åra. Det kan visast at dette er den mest effektive krinsprosessen for å omforme ei mengd varmeenergi til arbeid, og motsett.

Alle termodynamiske system har ein særskild termodynamisk tilstand. Når eit system går gjennom ei rekkje tilstandar og til slutt endar opp i utgangstilstanden, seier ein at det har skjedd ein termodynamisk syklus. I prosessen med å gjennom denne syklusen kan systemet utføre arbeid på omgjevnadane, og slik fungere som ein varmekraftmaskin. Eit system som går gjennom ein Carnot-syklus vert kalla ein Carno-maskin. Ein perfekt maskin av dette slaget er derimot berre teoretisk og kan ikkje lagast i praksis.

Kjelder

• Carnots kretsprosess. (15.03.2012) I Store norske leksikon. Henta frå: http://snl.no/Carnots_kretsprosess

• Denne artikkelen bygger på «Carnot cycle» frå Wikipedia på engelsk, den 15. juli 2012.

Bakgrunnsstoff

• Hyperphysics om Carnot-syklus.
• Interaktivt Japva-program som syner korleis ein Carnot-maskin fungerer.