Casey FitzRandolph
Casey J. FitzRandolph (fødd 21. januar 1975) er ein USA-amerikansk tidlegare skeiseløpar frå Verona i Wisconsin. Han vann OL-gull på 500 meter under Vinter-OL 2002.
| Casey FitzRandolph | |
|
| |
| Statsborgarskap | USA |
| Fødd | 21. januar 1975 (49 år) Madison |
| Idrett | lengdeløp på skeiser |
| Tok del i | Vinter-OL 2006, Vinter-OL 1998, Hurtigløp på skøyter under Vinter-OL 2002 – 500 meter herrer |
.JPG)
FitzRandolph vart tredjemann i sprint-VM 1997 på Hamar. Sjølv om han i 2001 tok bronsen på 500 i VM i enkeltløp, var det noko overraskande at han skulle vinne gullmedaljen på 500 meter i OL 2002 i Salt Lake City. Rett nok fall den største favoritten, kanadiaren Jeremy Wotherspoon, i sitt fyrste løp. Men då FitzRandolph etter to løp makta slå den japanske tittelforsvararen Hiroyasu Shimizu med tre hundredels sekund, var OL-triumfen eit faktum. Tidlegare i OL-sesongen kneip FitzRandolph sølvmedaljen i sprint-VM på Hamar. I åra fram til Vinter-OL 2006 i Torino var han jamnt i tetsjiktet i sprinttevlingane, utan å vinne medaljar. Han vart som beste nummer ni på 1000 m i Torino, medan han vart fjerdemann i sprint-VM 2006, før han så la opp.
Kjelder
endre- Denne artikkelen bygger på «Casey FitzRandolph» frå Wikipedia på engelsk, den 27. november 2016.
Bakgrunnsstoff
endre- «Casey FitzRandolph». olympedia.org. Henta 15. november 2022.