Tsjandra

«Chandra» omdirigerer hit. For andre tydingar av ordet, sjå Chandra (fleirtyding).

Tsjandra, også stava Chandra, er guden for månen i hinduismen. Ordet tsjandra betyr ganske enkelt 'måne' på sanskrit. Guden er lysande kvit og reiser over himmelen kvar natt i vogna si, som blir trekt av ti kvite hestar eller ein antilope. Han blir også kalla Soma.

Tsjandra i månevogna trekt av ein antilope. Akvarell frå 1800-tale.

«Chandra graha» med ti kvite hestar avbilda i The complete Hindoo Pantheon frå 1842.

Som månegud og den ein meinte la ut dogg var Tsjandra sett på som ein grødegud, og par som ønskte seg ungar, kunne be til han.

Tsjandra er far til Budha (planeten Merkur) og gift med daksjadøtrene Anuradha og Bharani.

Som namn

Gudenamnet blir brukt som personnamn for både kvinner og menn. Det kan også stavast Chander, som er hindiversjonen av Chandra. Det er vanlegast å bruka i namnesamansetjingar, som Harishchandra, Ramachandra eller Chandrasekhar. Nokre namneberarar er:

• Tsjandragupta Maurya, indisk herskar frå 300-talet f.Kr.
• Subrahmanyan Chandrasekhar (1910-1995), indisk-amerikansk fysikar og astronom
• Teleskopet Chandra er kalla opp etter den indiske astronomen Subrahmanyan Chandrasekhar. Det same gjeld asteroiden 1958 Chandra.

Bakgrunnsstoff

• Kort presentasjon med bilde på namaste.it Arkivert 2006-01-14 ved Wayback Machine.