Chantreybukta
Chantreybukta (Chantrey Inlet, Tariunnuaq) er ei bukt ved kysten av Polhavet i Canada. Ho markerer eit søraustleg «hjørne» der den vanlegvis aust–vestgåande kystlinja svinger skarpt mot nord. Vest for bukta ligg Adelaidehalvøya, og i aust ligg fastlandet. Qikiqtaq (King William Island) gjev ly i nordvest. I vest skil Simpsonsundet Qikiqtaq frå Adelaidehalvøya. Ved munningen av bukta ligg Point Ogle i vest og Cape Britannia i aust.[1] Vest for Point Ogle ligg Barrow Bay, Starvation Cove og Point Richardson. Back-elva renn inn frå sør. Nær munningen ligg det ein vêrstasjon ved Hayes-elva.[2] Montrealøya, som er 160 km lang og 80 km vid, ligg i bukta.
| Chantreybukta | |||
| bukt | |||
| Land |  Canada
| ||
|---|---|---|---|
 Chantrey Inlet 67°16′00″N 95°14′59″W / 67.266666666667°N 95.249722222222°W | |||
Historisk heldt inuittgruppa utkuhiksalingmiut ('folk frå staden der det er kleberstein') til i Chantrey Inlet. Desse levde nomadisk i snøhus (igloar) om vinteren og i telt om sommar. Føda deira var hovudsaklege røye (kanadarøye og røye), sik og rein (karibu). I 1834 drog George Back langs Backelva til munningen og utforska Chantreybukta. I 1839 nådde Peter Warren Dease og Thomas Simpson bukta ved å segla langs kysten frå vest. I dag kan sportsfiskarar koma til Chantreybukta med chartra småfly.[3]
Kjelder
endre- ↑ Glyn Williams, "Arctic Labyrinth", page 261
- ↑ «Hayes River Above Chantrey Inlet». uhn.edu. Henta 22. januar 2008.
- ↑ «MDMD: ghost twins: Franklin, Kennedy». osdir.com. Arkivert frå originalen 8. juni 2008. Henta 22. januar 2008.
- Denne artikkelen bygger på «Chantrey Inlet» frå Wikipedia på engelsk, den 13. november 2022.