Haida Gwaii
Haida Gwaii, tidlegare Charlotteøyane, er ei øygruppe i Canada, utanfor nordvestkysten av Britisk Columbia. Haida Gwaii består av to hovudøyar, Grahamøya i nord og Moresbyøya i sør, og ca. 150 mindre øyar. Kring 5 000 menneske bur på øyane.
| Haida Gwaii | |
|---|---|
| Tidlegare namn | Queen Charlotte Islands |
 Haida Gwaii sett frå Hecatesundet | |
| Geografi | |
| |
| Stad | Stillehavet |
| Koordinatar | 53°00′N 132°00′W / 53.000°N 132.000°W
|
| Store øyar | Grahamøya, Moresbyøya |
| Areal | 10 180 km² |
| Lengd | 290 km |
| Breidd | 100 km
|
| Høgaste punkt | Mount Moresby (1164 moh.)
|
| Administrasjon | |
| Land | Canada |
| Provins | Britisk Columbia |
| Største busetnad | Queen Charlotte City (948 innb.)
|
| Demografi | |
| Folketal | 4800 [1] (2008)
|
Øygruppa ligg frå om lag 52 til 54 grader nordleg breidd, og ved 120 grader vestleg lengd, og dekkjer eit totalt landareal på 10 180 km². Haida Gwaii er delt frå det kanadiske fastlandet av Hecatesundet i aust medan den amerikanske delstaten Alaska ligg nord for havgrensa Dixon Entrance. I vest ligg Stillehavet. Øya Vancouver ligg i sør.
Samfunn
endreDen største byen på øygruppa er Masset, som ligg ved Massetsundet nord på Grahamøya. Masset er det eldste og største samfunnet på øyane og har ca. 950 innbyggjarar.
Om lag halvparten av innbyggjarane høyrer til urfolkgruppa haida. Tlell, som ligg i nærleiken av nasjonalparken Naikoon på austkysten av Grahamøya, er ein haida-landsby med ca. 370 innbyggjarar. Landsbyen er kjent for sitt kunsthandverk. Skidegate (ca. 700 innbyggjarar) er den andre større haidalandsbyen.
Sandspit er den einaste større busetjinga på Moresbyøya. Her bur ca. 450 menneske. Landsbyen har via Alliford Bay ferjesamband med Skidegate på Grahamøya.
Natur og nasjonalparkar
endreDyrelivet er rikt og variert, mellom anna av varietetar av svartbjørn og røyskatt. Svarthalehjorten og vaskebjørnen er begge artar som har vorte utsett, og som har formeira seg mykje.
To nasjonalparkar er oppretta i øygruppa, nemnde Naikoon og dessutan Gwaii Haanas. Gwaii Haanas nasjonalpark ligg i den sørlege delen av Moresbyøya og omfattar 138 øyar som strekkjer seg over eit areal på 1 500 km².
Den forlatne landsbyen Ninstints på Anthonyøya har sidan 1980 stått på UNESCO si verdsarvsliste. Ninstints vart fråflytt omkring 1880. Landsbyen si historie går 2000 år tilbake. Nokre av langhusa og totempålane på staden er tekne vare på.
Namn
endreDen britiske kapteinen George Dixon kom til øyane i 1786. Han gav øygruppa namn etter den dåverande dronninga i Storbritannia.
Den tredje juni 2010 vart øygruppa offisielt omdøypt til Haida Gwaii, som del av ein avtale mellom provinsen British Columbia og haida-nasjonen.[2]
Kjelder
endre- ↑ Population Estimates, bcstats.gov.be.ca, arkivert frå originalen 22. juli 2012, henta 28 October 2010
- ↑ Legislative Assembly of British Columbia, Bill 18 — 2010: Haida Gwaii Reconciliation Act, Queen's Printer, henta 17. mars2011
- Denne artikkelen bygger på «Queen Charlotte Islands» frå Wikipedia på engelsk, den 5. september 2011.
