Chausey

Chausey er ei lita øygruppe, som geografisk er ein del av Kanaløyane, men sidan dei høyrer til Frankrike, vert dei nesten aldri nemnd i denne samanhengen. Det er ingen faste transportruter mellom Chausey og dei andre Kanaløyane.

Chausey
Geografi
Stad	Den engelske kanalen
Koordinatar	48°52′13″N 1°49′21″W
Øygruppe	Kanaløyane
Administrasjon
Land	Frankrike
Departement	Manche
Demografi
Folketal	Om lag 100

Grande Île, den største øya, er 1,5 km lang og 0,4 km brei på det breiaste, men dette er berre toppen av ei omfattande øygruppe, som kjem til syne ved fjøre sjø. Folketalet i øygruppa er om lag 100 personar.

Chausey er ein del av den franske kommunen Granville i departementet Manche.

Dei no nedlagde steinbrota eksporterte granitt, mellom anna til bygginga av Mont Saint Michel. Sjølv om endinga -ey i namnet Chausey kan tyde på at namnet har opphav i norrønt språk (der -ey tyder øy), som Jersey og Guernsey, kjem namnet frå det latinske ordet calx, som sannsynlegvis tyder steinete stad.

Bakgrunnsstoff

• Offisiell side
• Bilete frå øygruppa Arkivert 2021-07-31 ved Wayback Machine.
• Kart over Chausey i forhold til Jersey og Frankrike Arkivert 2007-03-10 ved Wayback Machine.