Christian Wallenius
Christian Ludvik Wallenius (13. januar 1885–15. august 1927) var ein norsk fiskar frå Skjøtningberg i Lebesby, som representerte Arbeidarpartiet på Stortinget 1925-26.
| Christian Wallenius | |
| Statsborgarskap | Noreg |
| Fødd | 13. januar 1885 Lebesby kommune |
| Død |
15. august 1927 (42 år) |
| Yrke | fiskar, politikar |
Wallenius var son til ein fiskar i Skjøtninberg som var innvandra frå Finland. Sjølv gjekk han inn i faren sitt yrke og dreiv fiskeri frå Skjøtningberg til han døydde, frå 1909 med eiga fiskeskøyte. Periodane 1913-19 og 1922-25 var han medlem av heradsstyret i Lebesby & Kjøllefjord. Elles var han skulestyreformann i heradet 1914-15 og 1922-24, og dessutan formann i bustadnemnda i heradet 1920-24.
Hausten 1924 vart Wallenius vald til stortingsmann frå valkrinsen Finnmark. Han representerte krinsen og Det norske Arbeidarparti på Stortinget i 1925 og -26, der han var medlem i Vegkomiteen. 1927-sesjonen var han sjukmeld, og døydde same sommaren.
Kjelder
endre- Stortingsbiografi Arkivert 2018-01-27 ved Wayback Machine.