Claire Hamill
Claire Hamill (fødd 4. august 1954 som Josephine Claire Hamill) er ein britisk songar og låtskrivar. I tillegg til solokarrieren sin, har ho arbeidd med Wishbone Ash[1] og Yes-gitaristen Steve Howe.[2]
| Claire Hamill | |||
| Fødd | 4. august 1954 (70 år) | ||
|---|---|---|---|
| Fødestad | Port Clarence i County Durham i England | ||
| Fødenamn | Josephine Claire Hamill | ||
| Opphav | Storbritannia | ||
| Sjanger | folkrock | ||
| Instrument | Song, gitar | ||
| Plateselskap | Island Konk | ||
| Verka som | Songar-låtskrivar | ||
Biografi
endreClaire Hamill har vore aktiv i musikkindustrien sidan ho var 17. I 1971 vart ho lansert som ein av dei første songar-låtskrivarane i Storbritannia og vart samanlikna med Joni Mitchell.
Debutalbumet hennar var One House Left Standing.[1] Kort tid etter la ho ut på den første turneen sin, som oppvarmar for John Martyn. I 1973 turnerte ho i USA med Procol Harum og Jethro Tull, og kom attende til Storbritannia for å spele inn det neste albumet sitt, October ved Richard Branson sitt Manor Studio i Oxfordshire, det same studioet som Mike Oldfield brukte til å skrive Tubular Bells. Ho turnerte så med King Crimson.
I 1973 møtte ho Ray Davies frå the Kinks, som signerte ho for hans Konk-selskap for det tredje albumet Stage Door Johnnies, eit album som inneheld dei første coverversjonane hennar. Ho turnerte Amerika for andre gongen det året og så på turné i Storbritannia for Gilbert O'Sullivan. I tillegg spelte ho inn det som vart det siste albumet hennar i 1970-åra, Abracadabra.
Tidleg i 1980-åra arbeidde ho med Wishbone Ash, og er med på albuma deira Just Testing (1980) og Number the Brave (1981), og ho vart med gruppa på turneen deira i 1981-1982. Ho var attende som gjest på Bare Bones in 1999.
I 1979 song ho vokal på songen «Look Over Your Shoulder» på The Steve Howe Album.
I 1981 song ho på Jon and Vangelis-albumet The Friends of Mr Cairo og i lag med det britisk jazz/funk/fusion-gruppa Morrissey–Mullen på albumet Life on the Wire (1982).
I midten av 1980-åra byrja Hamill å lage New Age-musikk, som gav ho eit nytt publikum. Det første albumet hennar i 1980-åra var Touchpaper. Albumet Voices vart spelt inn i ein stil som Adiemus og Enya seinare nytta. Ho har halde fram å gje ut musikk dei siste 20 åra.
Diskografi
endre- 1971: One House Left Standing
- 1973: October
- 1974: Stage Door Johnnies
- 1975: Abracadabra
- 1984: Touchpaper
- 1986: Voices
- 1988: Love in the Afternoon
- 1997: Summer
- 2004: The Lost & the Lovers
- 2007: The Minor Fall the Major Lift: the Best of Josephine Claire Hamill
- 2013: The Meeting Of The Waters
- 2019: Over Dark Apples
Kjelder
endre- Denne artikkelen bygger på «Claire Hamill» frå Wikipedia på engelsk, den 7. september 2014.
- Wikipedia på engelsk oppgav desse kjeldene:
- ↑ 1,0 1,1 Hill, Gary. «Claire Hamill – biography». Allmusic. Henta 7. september 2014.
- ↑ «Claire Hamill – credits». Allmusic. Henta 7. september 2014.