Commonwealth Bay

Commonwealth Bay er ei open bukt kring 48 km brei mellom Point Alden og Cape Gray i Antarktis. Ho vart oppdaga i 1912 av Den australasiatiske antarktisekspedisjonen under Douglas Mawson, som oppretta hovudbasen til ekspedisjon ved Cape Denison inst i bukta. Ho vart namngjeven av Den australasiatiske antarktisekspedisjonen etter Det australske samveldet (commonwealth på engelsk).

Commonwealth Bay
bukt
Ein fotokopi av Commonwealth Bay, teken uner Den australasiatiske antarktisekspedisjonen i 1912.
Land	Antarktis
Koordinatar	66°54′S 142°40′E
Administrert under	Antarktistraktaten
Commonwealth Bay 66.9°S 142.667°E / -66.9; 142.667
Commonwealth Bay (Antarktis)

Katabatiske vindar

Bukta er oppført i Guinness Rekordbok og den åttande utgåva av National Geographic Atlas som den mest vindfulle staden på jorda med vindar ofte over 240 kilometer i timen (66 m/s) og ein årleg middelvind på 80 km/t (22 m/s).

Dei kraftige vindane kjem av katabatisk vind, som er kaldluft som strøymer ned bratte, isdekte overflater mot sjøen. Luftstraumen her vert akselerert av den aukande hellinga til isoverflata og klippa ved Cape Denison. Om sommaren er det periodar med relativt rolege vindar, men vinterstormane kan vere særleg lange og kraftige, og kan både starte og slutte brått og uventa. Ein brå start og slutt på stormane kan kome i lag med kraftige virvelstraumar og skyer som flyttar seg raskt langs kysten.

Trass i det ekstreme veret er kysten av Commonwealth Bay eit viktig hekkeområde for antarktispetrellar, keisarpingvinar og adeliepingvinar.

Kjelder

• Denne artikkelen bygger på «Commonwealth Bay» frå Wikipedia på engelsk, den 24. november 2012.
  • Wikipedia på engelsk oppgav desse kjeldene:

Bakgrunnsstoff

• Life On Commonwealth Bay Arkivert 2009-12-18 ved Wayback Machine. by Reuters journalist Pauline Askin
• Commonwealth Bay photographs on Flickr