Conisbrough
Conisbrough (ofte feilstava Conisborough) er ein liten by omtrent midt mellom Doncaster og Rotherham i South Yorkshire i England. Han ligg ved elva Don.
|
Conisbrough | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | South Yorkshire | |
| Distrikt | Doncaster | |
| Geografi | ||
| Innbyggjarar - By (2001) |
15 361 | |
| Koordinatar | 53°29′N 1°14′W / 53.483°N 1.233°W | |
| Diverse annan informasjon | ||
| Postnummer | DN12 | |
| Telefon-retningsnummer | 0 1709 | |
Byen har det som vert rekna som den den eldste bevarte bygningen i South Yorkshire, den angelsaksiske St. Peters kyrkje (Den engelske kyrkja), datert til 600- eller 700-talet. Det meste av kyrkja slik ho står no er frå 1100-talet. Opphavleg var ho ein del mindre, og ho vart utvida i normannisk tid. Ein del av glasmåleri frå 1400-talet er bevarte.
Conisbrough slott er ein av dei mest populære turistattraksjonane i området. Det ligg på same stad som ein tidlegare saksisk busetnad. Det første slottet var i tre, og vart bygt av normannaren William de Darenne i 1070. Det vart raskt erstatta med eit i stein, som mot slutten av 1100-talet vart overdratt til Hamelin Plantagenet gjennom ekteskap. På 1300-talet døydde eigaren John de Warennes utan arvingar, og slottet tilfall derfor Krona, som gav det vidare til Hertugen av York. Det var i dårleg forfatning, og kunne ikkje nyttast som forsvarverk. Derfor unngikk det å bli øydelagd under borgarkrigen. Staten tok over ruinen i 1949, og det har blitt sett i betre stand slik at den kan vere ope for publikum.
Det er usikkert når byen vart grunnlagd, men det er mogeleg at han er identisk med Kaerconan, ein by som vart befesta av Aurelianus av Britannia etter sigeren hans over Hengest av Kent. På 1100-talet er byen nemnd som Cununugeburc.
Kjelder
endre- Denne artikkelen bygger på «Conisbrough» frå Wikipedia på bokmål, den 18. juli 2011.