Craig Doerge
Craig Doerge (fødd i 1947 i Cleveland i Ohio) er ein USA-amerikansk klaverspelar, låtskrivar og studiomusikar.
| Craig Doerge | |||
| Fødd | 4. desember 1944 (79 år) | ||
|---|---|---|---|
| Fødestad | Cleveland | ||
| Opphav | USA | ||
| Instrument | piano, Klaviatur | ||
| Verka som | pianist, låtskrivar | ||
Han flytta til Los Angeles i midten av 1960-åra for å arbeide som studiomusikar og låtskrivar for A&M Records, og med Jim Keltner og andre på musikk for teiknefilmar. Etter å ha spelt på GTOs-albumet Permanent Damage, slo han seg saman med Judy Henske og Jerry Yester i bandet Rosebud, og seinare gifta han seg med Henske. Frå tidleg i 1970-åra spelte han på mange innspelingar, mellom andre med Lee Hazlewood og Linda Ronstadt, og han spelte òg inn eit soloalbum for Columbia Records i 1974.[1][2]
Han skipa The Section, ei supergruppe av studiomusikarar, med Danny Kortchmar, Leland Sklar og Russ Kunkel, som spelte inn tre hovudsakleg instrumentale album tidleg og midt i 1970-åra. Dette bandet fortsette inn i 1980-åra og spelte på innspelingar og turnear med Crosby, Stills and Nash, James Taylor og Jackson Browne.[1][2]
Doerge var òg låtskrivar i lag med Browne, David Crosby, Paul Williams og andre, og har skrive filmmusikk. I nyare år har han produsert to album for kona, Judy Henske.[1][2]
Kjelder
endre- Denne artikkelen bygger på «Craig Doerge» frå Wikipedia på engelsk, den 16. januar 2019.
- Wikipedia på engelsk oppgav desse kjeldene: