Dalton i Israel

Dalton (דַּלְתּוֹן) er ein moshav nær Safed nord i Israel under Merom HaGalil regionale kommune. Han vart grunnlagd av immigrantar frå Tripoli i Libya i 1950, leia av Hapoel Hamizrachi. På området til moshaven ligg ei grav ein trur høyrer til rabbien Yosi Haglili og sonen hans Yishmael. Hovudnæringa til moshaven er jordbruk, Dalton vingard og eit gjestehus.

Dalton
דַּלְתּוֹן
moshav
Land	Israel
Distrikt	Nord distrikt
Kommune	Merom HaGalil
Koordinatar	33°0′57.96″N 35°29′14.99″E
Folketal	869 (2015)
Grunnlagd	1950
•  Grunnlagd av	Hapoel Hamizrachi
Dalton i Israel 33.0161°N 35.487497222222°E / 33.0161; 35.487497222222
Kart som viser Dalton i Israel. Kart som viser Dalton i Israel.
Wikimedia Commons: Dalton, Israel

Historie

Dalton er nemnt i mellomalderlitteraturen og dokumenter oppdaga i Kairo Geniza. I Geniza finst det ein del av eit brev sendt frå Dalton til Egypt, signert av «Shlomo HaKohen frå byen Dalton, son av Yosef». Om vismannen Eliyahu HaKohen, som døydde i Tyr i 1063 er det skrive at heile Israel bar lekamen hans på skuldrene sine til eit fjelli Galilea, til Dalton på toppen av fjellet. I følgje ei lokal segn er rabbien Yosi HaGlili og sonen hans Yishmael gravlagd i Dalton.

Arkeologi

I ein ruin utafor moshaven ligg ruinane av ei gammal synagoge. Seinare vart det funne ei marmorsøyle i synagoga med ein arameisk inskripsjon med ein tekst som er funne i andre synagoger frå same tid. Teksten tyder noko slikt som «Herskaren av verda vert minna for det gode».

Kjelder

• Denne artikkelen bygger på «Dalton, Israel» frå Wikipedia på engelsk, den 16. mars 2015.
  • Wikipedia på engelsk oppgav desse kjeldene: