Daniel Plaza

Daniel Plaza Montero (fødd 3. juli 1966) er ein spansk tidlegare kappgjengar frå Barcelona som i 1992 vart olympisk meister på 20 kilometer i heimbyen.

Daniel Plaza
Statsborgarskap	Spania
Fødd	3. juli 1966 (58 år) Barcelona
Idrett	friidrett
Tok del i	Sommar-OL 1996, Sommar-OL 1992, Sommar-OL 1988
Utmerkingar	Ordenen for sportsfortjenesters gullmedalje

Aktiv

Plaza gjekk i 1990 inn til sølvmedalje på 20 km ved europameisterskapen i Split, 17 sekundar bakom vinnaren Pavol Blažek frå Tsjekkoslovakia. Under dei olympiske sommarleikane 1992 i heimbyen Barcelona vann Plaza gullmedaljen på 20 km, med god margin til dei andre medaljevinnarane, Guillaume LeBlanc frå Canada og Giovanni De Benedictis frå Italia. Året etter tok Plaza bronsemedaljen på same distansen då VM 1993 fann stad i Stuttgart, der landsmannen Valentí Massana vart verdsmeister.

Medaljar og plasseringar i internasjonale meisterskap

• OL 1988 i Seoul: Nr 12 – 1.21.53
• EM 1990 i Split: Sølvmedalje – 1.22.22, bakom Pavol Blažek (1.22.05)
• OL 1992 i Barcelona: Gullmedalje – 1.21.45, framom Guillaume LeBlanc (1.22.25)
• VM 1993 i Stuttgart: Bronsemedalje – 1.23.18
• EM 1994 i Helsinki: Diskvalifisert
• OL 1996 i Atlanta: Nr 11 – 1.22.05

Kjelder

• Denne artikkelen bygger på «Daniel Plaza» frå Wikipedia på tysk, den 10. juni 2019.

• «Daniel Plaza» (på engelsk). Olympedia. Henta 10. mars 2023.