Darwin på månen
Darwin er eit månekrater av typen som er kateogisert som ei slette med vegg. Det ligg søraust på månen, og er nær nok kanten til at det verkar å vere forkorta når ein ser det frå jorda. Ved sørkanten av krateret ligg Lamarck. I nordaust ligg det mørke krateret Crüger.
 Bilete av Lunar Orbiter 4 | |||
| Koordinatar | 19°48′S 69°06′W / 19.8°S 69.1°W | ||
|---|---|---|---|
| Diameter | 120 km | ||
| Djupne | Ukjend | ||
| Colengdegrad | 70° ved soloppgang | ||
| Eponym | Charles R. Darwin | ||
Ytterkanten av denne formasjonen er blitt kraftig nedsliten av dei nærliggande nedslaga. Den sørlege og nordlege delen av kanten er særleg øydelagde. Austkanten er nedsliten, men intakt, og fleire småkrater ligg langs sørvestkanten. Satellittkrateret Darwin B er ein forholdsvis stor formasjon med diameter på 56 kilometer, og ligg langs den ytre vestkanten.
Delar av den indre botnen av Darwin har blitt endra med tida. Den sørlege botnen er berre grovt sett jamn, med irregulære flater og fleire mindre småkrater. Det ligg nokre sanddyneliknande åsar nordaust på botnen, som er overflatemateriale frå Orientale-havet som råka austkanten.[1] I vest står det ein stor, låg og noko ujamn dom, ein av få trekk ein ikkje finn i eit hav. Det finst òg restane av eit lite krater i sørenden av botnen.
Eit system av riller har skore seg over nordenden av botnen, og kryssar austkanten og held fram søraustover. Desse rillene har namnet Rimae Darwin, og dei strekkjer seg i ein avstand på kring 280 kilometer. Aust for Darwin kryssar dette rillesystemet Rima Sirsalis, ei brei rille som følgjer ei linje nordaustover.
Satellittkrater endre
Til vanleg er desse identifisert på månekart med ein bokstav ved sidan av kratermidtpunktet som er nærast Darwin.
| Darwin | Breiddegrad | Lengdegrad | Diameter |
|---|---|---|---|
| A | 21.8° S | 73.0° W | 24 km |
| B | 19.9° S | 72.2° W | 56 km |
| C | 20.5° S | 71.0° W | 16 km |
| F | 21.0° S | 71.0° W | 18 km |
| G | 21.5° S | 70.7° W | 17 km |
| H | 21.0° S | 68.8° W | 30 km |
Kjelder endre
- Denne artikkelen bygger på «Darwin (lunar crater)» frå Wikipedia på engelsk, den 23. mai 2016.
- Wikipedia på engelsk oppgav desse kjeldene:
- Andersson, L. E.; Whitaker, E. A. (1982). NASA Catalogue of Lunar Nomenclature. NASA RP-1097.
- Blue, Jennifer (July 25, 2007). «Gazetteer of Planetary Nomenclature». USGS. Henta 5. august 2007.[daud lenkje]
- Bussey, B.; Spudis, P. (2004). The Clementine Atlas of the Moon. New York: Cambridge University Press. ISBN 978-0-521-81528-4.
- Cocks, Elijah E.; Cocks, Josiah C. (1995). Who's Who on the Moon: A Biographical Dictionary of Lunar Nomenclature. Tudor Publishers. ISBN 978-0-936389-27-1.
- McDowell, Jonathan (July 15, 2007). «Lunar Nomenclature». Jonathan's Space Report. Henta 24. oktober 2007.
- doi:10.1007/BF00171763 10.1007/BF00171763
- Moore, Patrick (2001). On the Moon. Sterling Publishing Co. ISBN 978-0-304-35469-6.
- Price, Fred W. (1988). The Moon Observer's Handbook. Cambridge University Press. ISBN 978-0-521-33500-3.
- Rükl, Antonín (1990). Atlas of the Moon. Kalmbach Books. ISBN 978-0-913135-17-4.
- Webb, Rev. T. W. (1962). Celestial Objects for Common Telescopes (6th revision utg.). Dover. ISBN 978-0-486-20917-3.
- Whitaker, Ewen A. (1999). Mapping and Naming the Moon. Cambridge University Press. ISBN 978-0-521-62248-6.
- Wlasuk, Peter T. (2000). Observing the Moon. Springer. ISBN 978-1-85233-193-1.
Bakgrunnsstoff endre
- LPOD — Happy Birthday, Darwin! Arkivert 2018-05-30 ved Wayback Machine. (Darwin crater and vicinity viewed frå jorda)